Elbasy Isa Baitýlinniń qaitys bolýyna bailanysty marqumnyń otbasy men týǵan-týystaryna kóńil aitý jedelhatyn joldady, dep habarlaidy Tuńǵysh Prezidenttiń baspasóz qyzmeti.
Qazaqstannyń Tuńǵysh Prezidenti belgili ǵalym, biologiia ǵylymdarynyń doktory, Ulttyq ǵylym akademiiasynyń akademigi Isa Baitýlinniń ómirden ótýine bailanysty aýyr qaiǵyǵa ortaqtasyp, kóńil aitty.
«Isa Omaruly sanaly ǵumyryn ǵylym jolyna arnap, otandyq botanika salasynyń damýyna súbeli úles qosty.
Sondai-aq bilikti ǵylymi mamandar daiarlaý isine de zor eńbek sińirdi.
Ǵalymnyń artynda ózi qabyrǵasyn qalaýǵa atsalysqan irgeli mektep, kóptegen monografiialyq eńbekteri jáne izin jalǵaityn talantty shákirtteri qaldy.
Isa Baitýlinniń ǵibratty ǵumyry men jarqyn beinesi jurtshylyq jadynda árdaiym saqtalady dep senemin» delingen jedelhatta.
