Elbasy Bas prokýror Ǵizat Nurdáýletovti qabyldady, dep habarlaidy Aqordanyń baspasóz qyzmeti.
Kezdesý barysynda Qazaqstannyń Tuńǵysh Prezidentine elimizdegi zańdylyq pen quqyqtyq tártiptiń ahýaly, sondai-aq azamattardyń áleýmettik-ekonomikalyq saladaǵy quqyqtaryn qorǵaý úshin atqarylyp jatqan jumystar týraly málimdeldi.
Bas prokýror Elbasy Nursultan Nazarbaevqa elimizdiń qylmystyq zańnamasyn izgilendirý jáne túrmege qamalǵandardyń álemdik reitingi boiynsha Qazaqstannyń bedelin arttyrý úshin atqarylyp jatqan jumystardyń nátijeleri týraly baiandady.
Sonymen qatar, kezdesýde eńbek daýlaryn sheshýge qatysty azamattardyń quqyqtaryn qorǵaý úshin Bas prokýratýra men Úkimet tarapynan atqarylyp jatqan jumystarǵa basa mán berildi. Ǵ.Nurdáýletovtyń málimetine sáikes, byltyr birlese kúsh jumyldyrýdyń arqasynda eńbekaqy boiynsha 2,4 mlrd teńge kólemindegi qaryz óteldi.
Qazaqstannyń Tuńǵysh Prezidenti shaǵyn jáne orta biznes salasyndaǵy tekseristerdi azaitý úderisine tiisti baqylaý jasaýdyń mańyzdylyǵyn atap ótti.
