Qazaqstannyń Tuńǵysh Prezidenti kórnekti ǵalym, Ulttyq ǵylym akademiiasynyń akademigi Amanjol Qoshanovtyń ómirden ótýine bailanysty aýyr qaiǵyǵa ortaqtasyp, kóńil aitty, dep habarlaidy QR Tuńǵysh Prezidentiniń resmi saity.
«Amanjol Qoshanuly sanaly ǵumyryn ǵylym jolyna arnap, otandyq ekonomika teoriiasy salasyn damytýǵa qomaqty úles qosqan tuǵyrly tulǵa bolatyn. Ol elimizdiń ekonomikalyq múddeleri júiesin jasaý, ulttyq ekonomikalyq qaýipsizdikti qamtamasyz etý siiaqty kóptegen mańyzdy máseleler boiynsha irgeli zertteýler júrgizip, memlekettik ǵylymi baǵdarlamalar jasaýǵa atsalysty. Ekonomikalyq teoriia boiynsha ózindik mektebin qalyptastyrdy», – delingen jedelhatta.
Elbasy Amanjol Qoshanovtyń ǵibratty ǵumyry men jarqyn beinesi jurtshylyq jadynda árdaiym saqtalatynyna senim bildirdi.
