قازاقستاننىڭ تۇڭعىش پرەزيدەنتٸ كٶرنەكتٸ عالىم, ۇلتتىق عىلىم اكادەميياسىنىڭ اكادەميگٸ امانجول قوشانوۆتىڭ ٶمٸردەن ٶتۋٸنە بايلانىستى اۋىر قايعىعا ورتاقتاسىپ, كٶڭٸل ايتتى, دەپ حابارلايدى قر تۇڭعىش پرەزيدەنتٸنٸڭ رەسمي سايتى.
«امانجول قوشانۇلى سانالى عۇمىرىن عىلىم جولىنا ارناپ, وتاندىق ەكونوميكا تەوريياسى سالاسىن دامىتۋعا قوماقتى ٷلەس قوسقان تۇعىرلى تۇلعا بولاتىن. ول ەلٸمٸزدٸڭ ەكونوميكالىق مٷددەلەرٸ جٷيەسٸن جاساۋ, ۇلتتىق ەكونوميكالىق قاۋٸپسٸزدٸكتٸ قامتاماسىز ەتۋ سيياقتى كٶپتەگەن ماڭىزدى مەسەلەلەر بويىنشا ٸرگەلٸ زەرتتەۋلەر جٷرگٸزٸپ, مەملەكەتتٸك عىلىمي باعدارلامالار جاساۋعا اتسالىستى. ەكونوميكالىق تەورييا بويىنشا ٶزٸندٸك مەكتەبٸن قالىپتاستىردى», – دەلٸنگەن جەدەلحاتتا.
ەلباسى امانجول قوشانوۆتىڭ عيبراتتى عۇمىرى مەن جارقىن بەينەسٸ جۇرتشىلىق جادىندا ەردايىم ساقتالاتىنىنا سەنٸم بٸلدٸردٸ.
