«Ónerkásiptik saiasat týraly» zań jobasynda «El ishindegi qundylyq» degen jańa uǵym engiziledi. Bul týraly Májiliste atalǵan zań jobasyn tanystyrý kezinde QR Indýstriia jáne infraqurylymdyq damý vitse-ministri Amaniiaz Erjanov málim etti, dep habarlaidy QazAqparat.
«Ónerkásiptik saiasat týraly» negizgi zań jobasynyń 3-bólimi otandyq ónerkásiptik ónimdi ótkizý naryqtarynda ilgeriletýge járdemdesýdi qamtamasyz etýge baǵyttalǵan. Bul úshin, eń aldymen, sheteldegi mekemelerimizdiń, kásiporyndarymyzdyń qoldaýy arqyly eksportqa baǵdarlanǵan ónerkásiptik kásiporyndardy qoldaýǵa kóńil bólý usynylady. Bul rette qoldaý sharalary qosylǵan qunnyń jahandyq tizbegine enýi múmkin kásiporyndardy qurýǵa jáne olardyń qyzmetine baǵdarlanady», - dedi vitse-ministr.
Onyń aitýynsha, kórsetilgen jaittarmen qatar, memleket syrtqy naryqtaǵy kedergilerdi joiý máselelerinde eksporttaýshylarǵa járdem kórsetýi tiis.
«Qazaqstannyń Dúniejúzilik saýda uiymyna kirýine bailanysty biyldan bastap jergilikti qamtý institýtynan bas tartýymyz kerek. Osyǵan bailanysty zań jobasynda «El ishindegi qundylyq» degen jańa uǵym engiziledi. Jobanyń birqatar normalary satyp alýlarda ulttyq standarttardy qoldanýdy monitoringteý arqyly ulttyq ekonomikanyń ózindik jetkiliktiligin qamtamasyz etýge baǵyttalǵan. Sondai-aq, jumys memlekettik satyp alýdaǵy ulttyq rejimnen alyp tastaýdy belgileý baǵyty boiynsha júrgiziledi. Bólimniń barlyq kórsetilgen baǵyttary Qazaqstan qabyldaǵan halyqaralyq mindettemelerdi eskere otyryp, iske asyrylatynyn atap ótken jón», - dedi Amaniiaz Erjanov.
«Zań jobasyndaǵy tórtinshi bólim mynadai baǵyttar boiynsha otandyq ónerkásiptiń básekege qabilettiligin arttyrý máselelerin retteýge baǵyttalǵan: eńbek ónimdiligin arttyrý, investitsiialar tartý, indýstriialandyrý kartasy, shikizatty óńdeýdi tereńdetý», - dedi ol.
