QR Konstitýtsiialyq keńesiniń tóraǵasy Qairat Mámi Qazaqstandaǵy prezidenttik basqarý júiesiniń 30 jyldyǵyna arnalǵan halyqaralyq konferentsiiada paiym-pikirin ortaǵa saldy, dep habarlaidy QazAqparat.
«Osydan týra 30 jyl buryn, iaǵni 1990 jyldyń 24 sáýirinde qazaqstandyq prezidenttik institýty bekitildi. Dál osy kúni Joǵarǵy keńeste el Prezidenti bolyp Nursultan Ábishuly Nazarbaev sailandy. Bul oqiǵa respýblikadaǵy shynaiy basqarý tetikteri Joǵarǵy keńes pen Ministrler keńesiniń qolynda turǵan kezde órbigen edi», - dedi Qairat Mámi «Prezidenttik basqarý nysany. Konstitýtsiialyq negiz jáne saiasi tájiribe» atty halyqaralyq onlain-konferentsiiada.
Onyń aitýynsha, dál sol kezeńde biliktiń eski júiesi alǵa basýǵa múmkindik bermei, eldi tyǵyryqqa tirep turǵan.
«Sol sebepti Qazaqstan Prezidenttiń bastaýymen ortalyqtandyrylǵan bilikke baǵyt aldy. Osylaisha el basqarý mehanizmi bekem ári jumysqa qabiletti bola tústi. Osy sátten beri 30 jyl ótti. Qazaqstandyq basqarý júiesi evoliýtsiiadan, tereń transformatsiiadan ótti dese de bolady. Búgingi Konstitýtsiiaǵa sáikes múlde jańa prezidenttik basqarý júiesi jolǵa qoiylǵanyn atap ótý kerek. Bul júie biliktiń birligine, zańnamalyq jáne sot salasyn bólý qaǵidatyna negizdeldi. Qazaqstandy strategiialyq turǵyda bekemdeý turǵysynan bul óte mańyzdy qadamdar», - dep túidi Qairat Mámi.
.jpeg)