Qazaqstan halqy Assambleiasy memleketimizdiń Tuńǵysh Prezidenti, Elbasy Nursultan Ábishuly Nazarbaevtyń óziniń konstitýtsiialyq quzyretin aldyn-ala toqtatatýyna bailanysty Úndeý jasady. Ult portaly Úndeýdiń tolyq mátinin oqyrman nazaryna usynady.
Qymbatty otandastar!
Qazaqstannyń Tuńǵysh Prezidenti, Elbasy Nursultan Ábishuly Nazarbaev 2019 jylǵy 20 naýryzdan bastap óziniń konstitýtsiialyq quzyretin aldyn-ala toqtatatyny týraly málimdedi.
Bul – táýelsiz Qazaqstandy qurý siiaqty tarihi missiiany adal jáne tabysty oryndap shyqqan dana memleket qairatkeriniń, batyl azamat jáne patriottyń kóregen hám durys qabyldaǵan qadamy.
KSRO ydyraǵan sátte onyń basqarýymen elimiz beibit jolmen táýelsizdikke qol jetkizip, óz memlekettiligin nyǵaitty.
Elbasynyń ustamdy saiasatynyń arqasynda elimiz alasapyran kezeńniń qiyn-qystaý sátterin urys-kerissiz, azamattyq, etnosaralyq jáne konfessiiaaralyq kikiljińsiz, áleýmettik kúizelissiz ótti.
«Aldymen – ekonomika, sodan keiin – saiasat», sonymen qatar el birligi printsipterin negizgi baǵyt retinde ustanyp, Nursultan Nazarbaev naryqtyq ekonomikany qalyptastyrý, turaqty áleýmettik ósý máselelerin sheship, Qazaqstandy damýdyń jańa sapaly traektoriiasyna shyǵardy.
Búgin elimiz álemdegi básekege barynsha qabiletti 50 eldiń qataryna endi. «Qazaqstan - 2030» Strategiiasyn merziminen buryn oryndap, Qazaqstan Elbasynyń basqarýymen elimizdiń XXI-shi ǵasyrda damýynyń irgeli negizin jasady.
Tuńǵysh Prezidenttiń eń mańyzdy jáne tabysty jobasy retinde elordany Astana qalasyna aýystyrýy ekenin barshamyz bilemiz. Jańa elorda, Tý, Ánuran, Eltańba jáne halyqaralyq deńgeide qabyldanǵan shekara táýelsiz Qazaqstannyń jetistikteri men jeńisteriniń utymdy bet-beinesine ainaldy.
Bizdiń eldegi áleýmettik-ekonomikalyq jáne saiasi reformalardyń tabysy Nursultan Nazarbaevtyń atymen atalǵan qoǵamdyq kelisim men jalpyhalyqtyq birliktiń qazaqstandyq úlgisine negizdelgen.
Qazaqstan halqy Assambleiasy arqyly iske asqan bul model, azamattardyń etnostyq, dini erekshelikterine qarastan teń quqyly bolýynyń tiimdi mehanizimine ainaldy.
Elbasynyń saiasi kemeńgerligi, álemniń basqa memleketteriniń eshqaisysynda joq, beibitshilik pen kelisimniń erekshe institýtyn qurdy.
Birikken Ulttar Uiymynyń Bas hatshylary Kofi Annan men Pan Gi Mýn bizdiń Assambleia týraly «BUU-ń kishi úlgisi» dep baǵa bergen.
Búgin Assambleia Qazaqstannyń 18 million halqyn biriktirip otyr.
Tuńǵysh Prezident jetistikteriniń máni men maǵynalylyǵy, onyń bettegen ekonomikalyq jáne saiasi baǵytynyń mindetti túrde jalǵasyn tabatynyn dáleldeidi.
Elbasy Qazaqstannyń tabysty damýy men álemniń kóshbasshy otyz eliniń qataryna enýiniń negizin qalap berdi: Qazaqstannyń ekonomikasy men áleýmettik baǵytynyń tolyǵymen jańarýy tiimdi iske asyrylýda, «Rýhani jańǵyrý» baǵdarlamasy júrgizilýde, elimizdiń áleýmettik baqýattylyǵy modeliniń naqty kórinisi belgilendi.
Elbasynyń bul sheshimi el azamattarynyń kópshiligi tarapynan ókinish týdyryp otyr. Onyń nyq saiasi jigeri adamdardyń bolashaqqa, erteńgi kúnge degen senimin arttyryp turatyn.
Eń qiyn sátterde, halyq, daǵdarystan da damý múmkindigin izdeýdi printsipke ainaldyrǵan, eń durys jáne tiimdi sheshim tabatyn Tuńǵysh Prezidenttiń danalyǵy men tájiribesine senetin.
Biraq, Elbasy óz qadamynyń qajettiligin jańa tarihi kezeńde Qazaqstannyń ekonomikasy men áleýmettik salasyn damýdyń jańa deńgeiine shyǵarý maqsatymen negizdedi.
Degenmen, Nursultan Nazarbaev saiasi jáne áleýmettik-ekonomikalyq baǵyttaǵy reformalardyń birizdiligi men sabaqtastyǵynyń kepili bolyp qala beredi.
Búgingi tańda memlekettik organdardyń, azamattyq qoǵamnyń, barlyq el azamattarynyń negizgi mindeti – Elbasynyń murasy men jetistikterin saqtap qalý jáne arttyrý.
Biz, Qazaqstan halqy Assambleiasynyń músheleri, qazaqtar men orystar, óbekter men poliaktar, tatarlar men nemister, uiǵyrlar men vainahtar, kúrdter men ýkraindyqtar, koreiler men tájikter, armiandar men ázirbaijandar, túrikter, dúngender jáne basqa etnostar, qoǵamdyq kelisim keńesteriniń, analar keńesteriniń, ǵylymi-sarapshylyq keńesteriniń, «Jańǵyrý joly» jastar qozǵalysynyń músheleri, el azamattaryna túzý baǵytty ustanýdy – ýaqyttyń tekserýinen ótken birligimiz ben kelisimimizdi saqtaý jáne nyǵaitý siiaqty baǵyttan taimaýǵa shaqyramyz.
Biz shyn júrekten – «beibit ómir úshin, otan úshin, erlik pen irilik sabaqtary úshin, úiimizdegi án men nan úshin, rahmet, Sizge, bizdiń qymbatty Elbasy» - deimiz.
Elbasynyń «Halqymyzdyń dostyǵy men birligin, elimizdiń ár azamatynyń mádenieti men saltyna degen syilastyq pen bir-birimizge degen senimimizdi saqtańdar. Osylai bolǵanda ǵana biz myqtymyz, sonda ǵana barlyq qiynshylyqty jeńe alamyz. Sonda ǵana damimyz, gúldenemiz!» - degen sózderin alǵyshart retinde qabyldaýǵa úndeimiz.
Nursultan Ábishuly óz týyndysy – elimizdegi kelisim men tynyshtyqtyń negizi, Qazaqstan halqy Assambleiasyn budan ári de basqara beredi degen senimdemiz.
Elbasynyń baǵytyna adaldyǵymyz - Tuńǵysh Prezident, Elbasy – Nursultan Ábishuly Nazarbaevtyń qyzmetine degen eń úlken alǵysymyz ekenine biz senimdimiz.
.jpeg)