Astana ýaqytymen saǵat 20.00-de elimizdiń aýmaǵynda ashylǵan 8 myńnan astam referendým ýchaskesinde daýys berý aiaqtaldy, dep habarlaidy QazAqparat.
Dál qazirgi ýaqytta elimizdiń 12 óńirindegi 8 089 referendým ýchaskesi jumysyn aiaqtap, aýmaqtyq referendým komissiiasynyń músheleri daýys sanaýǵa kiristi.
Sonymen qatar 10 shet memlekettegi Qazaqstan elshilikteri janynan ashylǵan 17 ýchaskede daýys berý aiaqtalyp otyr.
Saǵat aiyrmashylyǵyna bailanysty elimizdiń 5 óńirinde, atap aitqanda Qyzylorda, Aqtóbe, Atyraý, Mańǵystaý jáne Batys Qazaqstan oblystaryndaǵy 1 858 ýchaskede daýys berý astana ýaqytymen saǵat 21.00-de aiaqtalady.
Al sheteldegi 48 ýchaskede saǵat aiyrmashylyǵyna bailanysty daýys berý áli júrip jatyr.
Jalpy respýblika boiynsha 10 012 referendým ýchaskesi qurylǵan. Onyń ishinde 52 shet memlekettegi 65 ýchaske bar.
Aita keteiik, astana ýaqytymen saǵat 18.00-degi derekterge sáikes, respýblika boiynsha 7 624 641 azamat biýlleten aldy. Bul - tizimge engen azamattardyń 65,04 paiyzy.
