استانا ۋاقىتىمەن ساعات 20.00-دە ەلٸمٸزدٸڭ اۋماعىندا اشىلعان 8 مىڭنان استام رەفەرەندۋم ۋچاسكەسٸندە داۋىس بەرۋ اياقتالدى, دەپ حابارلايدى قازاقپارات.
دەل قازٸرگٸ ۋاقىتتا ەلٸمٸزدٸڭ 12 ٶڭٸرٸندەگٸ 8 089 رەفەرەندۋم ۋچاسكەسٸ جۇمىسىن اياقتاپ, اۋماقتىق رەفەرەندۋم كوميسسيياسىنىڭ مٷشەلەرٸ داۋىس ساناۋعا كٸرٸستٸ.
سونىمەن قاتار 10 شەت مەملەكەتتەگٸ قازاقستان ەلشٸلٸكتەرٸ جانىنان اشىلعان 17 ۋچاسكەدە داۋىس بەرۋ اياقتالىپ وتىر.
ساعات ايىرماشىلىعىنا بايلانىستى ەلٸمٸزدٸڭ 5 ٶڭٸرٸندە, اتاپ ايتقاندا قىزىلوردا, اقتٶبە, اتىراۋ, ماڭعىستاۋ جەنە باتىس قازاقستان وبلىستارىنداعى 1 858 ۋچاسكەدە داۋىس بەرۋ استانا ۋاقىتىمەن ساعات 21.00-دە اياقتالادى.
ال شەتەلدەگٸ 48 ۋچاسكەدە ساعات ايىرماشىلىعىنا بايلانىستى داۋىس بەرۋ ەلٸ جٷرٸپ جاتىر.
جالپى رەسپۋبليكا بويىنشا 10 012 رەفەرەندۋم ۋچاسكەسٸ قۇرىلعان. ونىڭ ٸشٸندە 52 شەت مەملەكەتتەگٸ 65 ۋچاسكە بار.
ايتا كەتەيٸك, استانا ۋاقىتىمەن ساعات 18.00-دەگٸ دەرەكتەرگە سەيكەس, رەسپۋبليكا بويىنشا 7 624 641 ازامات بيۋللەتەن الدى. بۇل - تٸزٸمگە ەنگەن ازاماتتاردىڭ 65,04 پايىزى.
