Aldaǵy dúisenbi keshki saǵat altyda «El arna» kanaly iske qosylady, dep habarlaidy 24kz.
Eń aldymen, «Án aǵa» jáne «Doroga domoi» atty týyndylar kórermenge jol tartady. «Habar» agenttigine kiretin arnada tek qana Qazaqstanda shyǵarylǵan kórkem filmder, derekti kino men serialdar kórsetiledi. Munda memlekettik tildegi týyndylardyń úlesi 50%-dan kem bolmaidy.
Olar efirge 6 saǵattyq qaitalaýmen shyǵady. Arna basshylyǵy «Qazaqfilm» aktsionerlik qoǵamymen kelissózder júrgizip, birqatar tamasha týyndylar kórsetilimi boiynsha shart jasasty. Sondai-aq elimizdiń jas ári daryndy mamandary da óz kinolaryn búkil halyq nazaryna usyna alady. Jańa arnanyń ákimshiligi olarmen tyǵyz jumys júrgizýge daiyn ekendigin jetkizdi.
- Biz jastardy kino álemine baýlityn mekteptermen, túrli kinofestivalderdiń ákimshiligimen qoian-qoltyq jumys isteimiz. Usynylǵan týyndylardyń arasynda irikteý ótkizemiz. Qysqa metrajdy jáne art-haýs stilindegi filmderdi de efirge shyǵaramyz. Bizdiń oiymyzsha, mundai aýqymdy joba jas rejisserlerdiń sanyn arttyryp, kino indýstriiasynyń damýyna serpin beredi, - deidi «El arna» arnasynyń shef-redaktory Kamila Qamnazarova.
