الداعى دٷيسەنبٸ كەشكٸ ساعات التىدا «ەل ارنا» كانالى ٸسكە قوسىلادى, دەپ حابارلايدى 24kz.
ەڭ الدىمەن, «ەن اعا» جەنە «دوروگا دوموي» اتتى تۋىندىلار كٶرەرمەنگە جول تارتادى. «حابار» اگەنتتٸگٸنە كٸرەتٸن ارنادا تەك قانا قازاقستاندا شىعارىلعان كٶركەم فيلمدەر, دەرەكتٸ كينو مەن سەريالدار كٶرسەتٸلەدٸ. مۇندا مەملەكەتتٸك تٸلدەگٸ تۋىندىلاردىڭ ٷلەسٸ 50%-دان كەم بولمايدى.
ولار ەفيرگە 6 ساعاتتىق قايتالاۋمەن شىعادى. ارنا باسشىلىعى «قازاقفيلم» اكتسيونەرلٸك قوعامىمەن كەلٸسسٶزدەر جٷرگٸزٸپ, بٸرقاتار تاماشا تۋىندىلار كٶرسەتٸلٸمٸ بويىنشا شارت جاساستى. سونداي-اق ەلٸمٸزدٸڭ جاس ەرٸ دارىندى ماماندارى دا ٶز كينولارىن بٷكٸل حالىق نازارىنا ۇسىنا الادى. جاڭا ارنانىڭ ەكٸمشٸلٸگٸ ولارمەن تىعىز جۇمىس جٷرگٸزۋگە دايىن ەكەندٸگٸن جەتكٸزدٸ.
- بٸز جاستاردى كينو ەلەمٸنە باۋليتىن مەكتەپتەرمەن, تٷرلٸ كينوفەستيۆالدەردٸڭ ەكٸمشٸلٸگٸمەن قويان-قولتىق جۇمىس ٸستەيمٸز. ۇسىنىلعان تۋىندىلاردىڭ اراسىندا ٸرٸكتەۋ ٶتكٸزەمٸز. قىسقا مەتراجدى جەنە ارت-حاۋس ستيلٸندەگٸ فيلمدەردٸ دە ەفيرگە شىعارامىز. بٸزدٸڭ ويىمىزشا, مۇنداي اۋقىمدى جوبا جاس رەجيسسەرلەردٸڭ سانىن ارتتىرىپ, كينو يندۋستريياسىنىڭ دامۋىنا سەرپٸن بەرەدٸ, - دەيدٸ «ەل ارنا» ارناسىنىڭ شەف-رەداكتورى كاميلا قامنازاروۆا.
