5 maýsymda, referendým kúni NUR.KZ aqparattyq agenttiginiń tapsyrysy boiynsha Keshendi áleýmettik zertteýler institýty el azamattary arasynda sailaý ýchaskelerinen shyǵý kezinde saýalnama júrgizdi. Saýalnama nátijesi boiynsha Konstitýtsiiaǵa túzetýlerdi "qoldaǵandardyń" úlesi – 76,7 paiyz.
Saýalnama búkil el aýqymynda 315 ýchaskede, oblys ortalyqtarynda, respýblikalyq, oblystyq, aýdandyq mańyzy bar qalalarda jáne aýyldyq eldimekenderde úzdiksiz aǵyn ádistemesi boiynsha jeke suhbattasý ádisimen júrgizildi.
350 myńǵa jýyq sailaýshy qamtyldy, 1460 interviýer tartyldy.
Ekzitpoll nátijeleri:
Konstitýtsiiaǵa túzetýlerdi "qoldaǵandar" – 76,7 paiyz.
"Qarsy" daýys bergender - 23,3 paiyz.
Zertteý derekteri boiynsha sailaýshylardyń qatysýy 67,5 paiyzdy qurady. Nátijelerdiń qateligi ± 1,5 paiyz.
Eske salsaq, astana ýaqytymen saǵat 21.00-de elimizdiń barlyq óńirindegi referendým ýchaskelerinde daýys berý aiaqtalǵan bolatyn.
Buǵan deiin elimizdiń 12 óńirindegi 8 089 jáne 10 shet memlekettegi Qazaqstan elshilikteri janynan ashylǵan 12 referendým ýchaskesinde jumys aiaqtalyp, komissiia músheleri daýys sanaýǵa kirisken edi.
Al saǵat 21.00-de Aqtóbe, Atyraý, Batys Qazaqstan, Mańǵystaý jáne Qyzylorda oblystaryndaǵy 1 858 ýchaskede óńir turǵyndary daýys berip boldy.
Sonymen qatar shet elderdegi 5 ýchaske de jumysyn toqtatty. Onyń barlyǵynda komissiia músheleri daýys sanaýǵa kirisken bolatyn.
