Búgin Nur-Sultan qalasynda Syrtqy ister ministri Beibit Atamqulov Eýropadaǵy qaýipsizdik jáne yntymaqtastyq uiymynyń Demokratiialyq institýttar jáne adam quqyqtary jónindegi biýrosynyń (EQYU/DIAQB) Qazaqstandaǵy sailaýdy baqylaý jónindegi missiiasynyń basshysy Ýrshýla Gatsekpen kezdesý ótkizdi, dep habarlaidy "Ult aqparat".
Syrtqy saiasi vedomstvosynyń basshysy elimizdiń QR saiasatynyń sabaqtastyǵyn, boljamdylyǵyn jáne turaqtylyǵyn, el basshylyǵynyń demokratiialyq qundylyqtarǵa, adal, ashyq jáne ádil sailaý ótkizýge berik beiildiligin atap ótti. B. Atamqulov jeti kandidatty, onyń ishinde áiel adam bar ekenin aita kele, el úshin buryn-sońdy bolmaǵan sailaý naýqanynyń básekelestik sipatyn atap ótti.
7 mamyrda Varshavadaǵy EQYU DIAQB direktory Ingibiorg Gisladottirmen óziniń jemisti kezdesýin eske sala otyryp, SIM basshysy Qazaqstan tarapynyń sailaýdy baqylaý protsesinde EQYU/DIAQB missiiasyna barlyq qajetti járdem kórsetýge daiyn ekendigin jáne budan ári barlyq qajetti kómek kórsetýge daiyn ekendin jetkizdi.
Jyly jáne syndarly atmosferada ótken múddeli áńgimelesý barysynda Ý. Gatsek ózi basqaratyn missiianyń Qazaqstannyń memlekettik organdarymen, eń aldymen Ortalyq sailaý komissiiasy jáne Syrtqy ister ministrligimen osy kezeńdegi EQYU/DIAQB missiiasynyń jumysyn uiymdastyrý jónindegi yntymaqtastyǵyna oń baǵa berdi.
Missiia basshysy shtabty qamtityn ózi basqaratyn missiia, 22 uzaq merzimdi jáne kútilip otyrǵandai 300 qysqa merzimdi baqylaýshylar, EQYU-ǵa qatysýshy barlyq memleketterde DIAQB qoldanatyn biryńǵai ólshemderge sáikes elektoraldy protsesti jan-jaqty, ádil jáne tiimdi baǵalaitynyna senim bildirdi.
Ý. Gatsek tolyq ashyqtyq rýhynda áreket ete otyryp, prezidenttikke barlyq kandidattarmen jáne olardyń shtabtarynyń basshylarymen kezdesýler ótkizýdi josparlap otyrǵanyn habarlady. Polshadaǵy sailaý naýqanyna, eldiń ulttyq Parlamentine jáne Eýropalyq Parlamentke tabysty qatysqan, sondai-aq birqatar elderde DIAQB sailaýdy baqylaý jónindegi missiialarǵa basshylyq etken diplomat jinalǵan tájiribe oǵan sailaýdy jan-jaqty jáne obektivti baǵalaýǵa múmkindik beretinin atap ótti.
Ótken aptada Qazaqstanǵa alǵash ret kelgen Ý. Gatsek sondai-aq Nur-Sultannan alǵan áserlerimen jáne ol týraly keńirek, tereń túsinik qalyptastyrý maqsatynda elde bolǵan kezeńde ártúrli óńirlerge barý josparlarymen bólisti.
Jalpy, SIM halyqaralyq uiymdarmen jáne shet elderdiń Ortalyq sailaý komissiialarymen Qazaqstandaǵy prezidenttik sailaýǵa baqylaýshylardy jiberý máselesi boiynsha belsendi jumysyn jalǵasýda. EQYU-dan basqa, Qazaqstanda TMD, Islam yntymaqtastyq uiymy, Shanhai yntymaqtastyq uiymy, Túrkitildes memleketterdiń yntymaqtastyq keńesi, TúrkPA siiaqty halyqaralyq uiymdardan baqylaýshylar missiiasyn kútýde.
Aita keteiik0 DIAQB mindetteri adam quqyqtaryn saqtaý monitoringi, demokratiiany damytý jáne EQYU keńistiginde zańnyń ústemdigin bekitý bolyp tabylady. Uiymnyń quzyretine sondai-aq sailaýdy halyqaralyq baqylaý, saraptamalyq derekterdi usyný jáne praktikalyq qoldaý kórsetý jolymen Adami ólshem boiynsha mindettemelerdi oryndaýǵa járdemdesý, tózimdilik pen kemsitpeýshilik salasyndaǵy ámbebap kún tártibin ilgeriletý kiredi.
