Qazaqstan Prezidenti Qasym-Jomart Toqaev Eýropa Qaýipsizdik jáne Yntymaqtastyq Uiymy Demokratiialyq institýttar jáne adam quqyqtary jónindegi biýrosynyń baqylaýshylary missiiasynyń basshysy Ýrshýla Gatsekti qabyldady, dep habarlaidy "Ult aqparat" Aqordaǵa silteme jasap.
Áńgimelesý barysynda Qazaqstandaǵy kezekten tys ótkiziletin prezident sailaýyna qatysty Eýropa Qaýipsizdik jáne Yntymaqtastyq Uiymy Demokratiialyq institýttar jáne adam quqyqtary jónindegi biýrosynyń missiiasy júrgizetin monitoring máseleleri talqylandy.
Memleket basshysy aldaǵy sailaýdyń zańnamaǵa sáikes ashyq jáne ádil ótetinin atap ótti.
Ýrshýla Gatsek Qasym-Jomart Toqaevqa kezdeskeni úshin alǵys aityp, halyqaralyq baqylaýshylar qyzmetiniń bastalǵany jóninde málimdedi. Sonymen qatar, Eýropa Qaýipsizdik jáne Yntymaqtastyq Uiymy Demokratiialyq institýttar jáne adam quqyqtary jónindegi biýrosy missiiasynyń ókilderi sailaý úderisine monitoring júrgizýge kiriskenin jáne Qazaqstannyń barlyq óńirlerinde belsendi jumys istep jatqanyn aitty.
Sondai-aq, el prezidenti BUU Bas hatshysynyń saiasi máseleler jónindegi kómekshisi Miroslav Enchamen kezdesti.
Memleket basshysy kezdesý barysynda BUU Bas hatshysy Antoniý Gýterrishtiń Qazaqstan men Birikken Ulttar Uiymy arasyndaǵy ózara is-qimyldar men seriktestikti nyǵaitý isine qosqan jeke úlesin atap ótti.
– Birikken Ulttar Uiymymen yntymaqtastyq máselesi bizdiń saiasatymyzdyń basym baǵyttarynyń biri. Bas hatshy Antoniý Gýterrishke ystyq sálemimdi joldaimyn jáne elimizdiń halyqaralyq bastamalaryna qatysty jemisti yntymaqtastyǵy men kórsetken qoldaýy úshin rizashylyq bildiremin, – dedi Qazaqstan Prezidenti.
Taraptar óńirlik jobalardy júzege asyrýdyń perspektivalaryn, sondai-aq, qazaqstandyqtardyń BUU aiasyndaǵy bitimgerlik missiiasyna atsalysý máselelerin talqylady.
– Biz óńirlik yntymaqtastyq máselelerindegi Qazaqstannyń belsendi ustanymyn joǵary baǵalaimyz. Sizderdiń elderińizdiń iske asyryp jatqan Ornyqty damý maqsattaryna qoldaý kórsetý biz úshin mańyzdy. Prezident myrza, Almatyda Birikken Ulttar Uiymynyń jańa ǵimaraty ashylǵany úshin Sizderge alǵys bildiremiz, – dedi Miroslav Encha.
