قازاقستان پرەزيدەنتٸ قاسىم-جومارت توقاەۆ ەۋروپا قاۋٸپسٸزدٸك جەنە ىنتىماقتاستىق ۇيىمى دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسىنىڭ باقىلاۋشىلارى ميسسيياسىنىڭ باسشىسى ۋرشۋلا گاتسەكتٸ قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
ەڭگٸمەلەسۋ بارىسىندا قازاقستانداعى كەزەكتەن تىس ٶتكٸزٸلەتٸن پرەزيدەنت سايلاۋىنا قاتىستى ەۋروپا قاۋٸپسٸزدٸك جەنە ىنتىماقتاستىق ۇيىمى دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسىنىڭ ميسسيياسى جٷرگٸزەتٸن مونيتورينگ مەسەلەلەرٸ تالقىلاندى.
مەملەكەت باسشىسى الداعى سايلاۋدىڭ زاڭناماعا سەيكەس اشىق جەنە ەدٸل ٶتەتٸنٸن اتاپ ٶتتٸ.
ۋرشۋلا گاتسەك قاسىم-جومارت توقاەۆقا كەزدەسكەنٸ ٷشٸن العىس ايتىپ, حالىقارالىق باقىلاۋشىلار قىزمەتٸنٸڭ باستالعانى جٶنٸندە مەلٸمدەدٸ. سونىمەن قاتار, ەۋروپا قاۋٸپسٸزدٸك جەنە ىنتىماقتاستىق ۇيىمى دەموكراتييالىق ينستيتۋتتار جەنە ادام قۇقىقتارى جٶنٸندەگٸ بيۋروسى ميسسيياسىنىڭ ٶكٸلدەرٸ سايلاۋ ٷدەرٸسٸنە مونيتورينگ جٷرگٸزۋگە كٸرٸسكەنٸن جەنە قازاقستاننىڭ بارلىق ٶڭٸرلەرٸندە بەلسەندٸ جۇمىس ٸستەپ جاتقانىن ايتتى.
سونداي-اق, ەل پرەزيدەنتٸ بۇۇ باس حاتشىسىنىڭ ساياسي مەسەلەلەر جٶنٸندەگٸ كٶمەكشٸسٸ ميروسلاۆ ەنچامەن كەزدەستٸ.
مەملەكەت باسشىسى كەزدەسۋ بارىسىندا بۇۇ باس حاتشىسى انتونيۋ گۋتەرريشتٸڭ قازاقستان مەن بٸرٸككەن ۇلتتار ۇيىمى اراسىنداعى ٶزارا ٸس-قيمىلدار مەن سەرٸكتەستٸكتٸ نىعايتۋ ٸسٸنە قوسقان جەكە ٷلەسٸن اتاپ ٶتتٸ.
– بٸرٸككەن ۇلتتار ۇيىمىمەن ىنتىماقتاستىق مەسەلەسٸ بٸزدٸڭ ساياساتىمىزدىڭ باسىم باعىتتارىنىڭ بٸرٸ. باس حاتشى انتونيۋ گۋتەرريشكە ىستىق سەلەمٸمدٸ جولدايمىن جەنە ەلٸمٸزدٸڭ حالىقارالىق باستامالارىنا قاتىستى جەمٸستٸ ىنتىماقتاستىعى مەن كٶرسەتكەن قولداۋى ٷشٸن ريزاشىلىق بٸلدٸرەمٸن, – دەدٸ قازاقستان پرەزيدەنتٸ.
تاراپتار ٶڭٸرلٸك جوبالاردى جٷزەگە اسىرۋدىڭ پەرسپەكتيۆالارىن, سونداي-اق, قازاقستاندىقتاردىڭ بۇۇ اياسىنداعى بٸتٸمگەرلٸك ميسسيياسىنا اتسالىسۋ مەسەلەلەرٸن تالقىلادى.
– بٸز ٶڭٸرلٸك ىنتىماقتاستىق مەسەلەلەرٸندەگٸ قازاقستاننىڭ بەلسەندٸ ۇستانىمىن جوعارى باعالايمىز. سٸزدەردٸڭ ەلدەرٸڭٸزدٸڭ ٸسكە اسىرىپ جاتقان ورنىقتى دامۋ ماقساتتارىنا قولداۋ كٶرسەتۋ بٸز ٷشٸن ماڭىزدى. پرەزيدەنت مىرزا, الماتىدا بٸرٸككەن ۇلتتار ۇيىمىنىڭ جاڭا عيماراتى اشىلعانى ٷشٸن سٸزدەرگە العىس بٸلدٸرەمٸز, – دەدٸ ميروسلاۆ ەنچا.
