Elordadaǵy EQYU baǵdarlamalary keńsesiniń basshysy Derd Sabo Qazaqstan basshylyǵymen qabyldanǵan reformalar aiasyndaǵy jumystarǵa pikir bildirdi, dep habarlaidy QazAqparat.
«Biz Qazaqstanda Konstitýtsiialyq Keńespen, Ádilet ministrligimen, quqyq qorǵaý organdarymen yntymaqtastyqta jumys isteýdemiz. Osy oraida reformalarǵa qoldaý kórsetýge tyrysamyz. Búgingi konferentsiiaǵa qatysyp otyrǵandardyń barlyǵy EQYU-ǵa múshe elderdiń ókilderi bolyp otyr, bul óz kezeginde este qalarlyq ári qýanyshty oqiǵa», - dedi Derd Sabo «Prezidenttik basqarý nysany. Konstitýtsiialyq negiz jáne saiasi tájiribe» atty halyqaralyq onlain-konferentsiiada.
Onyń sózine qaraǵanda, Nur-Sultan qalasyndaǵy EQYU baǵdarlamalary keńsesi Prezident Qasym-Jomart Toqaev bastamashylyq etken reformalarǵa qoldaý jasaýǵa tyrysýda.
Budan buryn habarlanǵandai, atalǵan konferentsiiada Eýropa Keńesi Venetsian komissiiasynyń prezidenti Djanni Býkikkio Qazaqstandaǵy júzege asqan konstitýtsionaldyq ózgerister eldiń damýyna úlken septigin tigizgenin aitty.
Óz kezeginde QR Ádilet ministri Marat Beketaev Qazaqstan tarihynyń sol bir jaýapty kezeńinde Tuńǵysh Prezident bolyp Nursultan Ábishuly Nazarbaevtyń sailanýy jańa qazaqstandyq memlekettiliktiń, onyń saiasi-quqyqtyq jáne ekonomikalyq negizderiniń qalyptasýynda aýqymdy tarihi ról atqarǵanyn atap ótti.
.jpeg)