Whatsapp pen Telegram arqyly habarlama taratqan OQO-nyń 11 turǵyny ustaldy, - dep habarlaidy "Ult aqparat" UQK baspasóz qyzmetine silteme jasap.
Vedomstvo málimetinshe, 16 qarashada UQK Ońtústik Qazaqstan oblysy boiynsha departamenti ishki ister organdarymen birge operatsiia júrgizdi. Onyń sheńberinde terrorizmdi nasihattaý jáne dini alaýyzdyqty qozdyrý kúdigi boiynsha Sairam aýdany men Shymkent qalasynyń 11 turǵyny ustaldy.
"Kórsetilgen adamdar Whatsapp, Telegram messendjerlerinde jáne Internet áleýmettik jelilerinde "DAISh" jáne basqa da halyqaralyq terroristik uiymdardyń ekstremistik ideologiiasyn nasihattaityn materialdardy júieli túrde taratqan. Ekstremistik materialdar jalpy sany 400-den astam qatysýshysy bar 24 jelilik qoǵamdastyqqa ornalastyrylǵan", - dep habarlady UQK baspasóz qyzmetindegiler.
Tergeý jáne ózge de is-sharalar jalǵasyp jatyr.
