Osy demalys kúnderi elorda turǵyndary men qonaqtary úshin taza aýada jappai syrǵanaý maýsymy bastalady, dep habarlaidy "Ult aqparat".
EKSPO Kórme kesheniniń aýmaǵynda jalpy sany 200 adamǵa arnalǵan ashyq muz aidyny ashylady.
Ashyq aspan astyndaǵy muz aidyny tańǵy saǵat 10.00-den bastap túngi saǵat 23.00-ge deiin jumys isteidi.
Aýmaǵy 1300 sharshy metr muz aidyny elordanyń adam eń kóp baratyn jáne eń kórikti oryndarynyń biri - "Nur Álem" sferasynyń eteginde ornalasqan.
Aita keteiik, "Nur Álem" sferasy da osy mereke kúnderi saǵat 10.00-21.00 aralyǵynda ashyq bolady.
Bolashaq energiiasy mýzeii ǵarysh, kún, jel, sý, biomassa energiialary men kinetikalyq energiia taqyryptaryndaǵy eń ozyq interaktivti oiyn qurylǵylarymen tańǵaldyrmaq.
Keletin qonaqtarǵa yńǵaily bolý úshin muz aidynyna kirý tegin, al aidyn aýmaǵynda konki jalǵa beriletin oryndar men tamaqtaný núkteleri, avtokólikter úshin jerasty parkingi bar.
Sonymen qatar, 18 jeltoqsan kúni qalyptasqan dástúr boiynsha saǵat 18.30-da EKSPO aýmaǵynda elimizdiń bas Shyrshasy jaǵylady.
Respýblikadaǵy basty jańa jyldyq simvoldyń shamdaryn jaǵý rásimi qonaqtardy qysqy ertegi álemine jetelep, Aiaz Ata men Aqshaqar árbir adamdy Jańa jylymen quttyqtaidy. Ertegilerdegi keiipkerler balalarǵa qýanysh syilasa, kesh sońy EKSPO kórme alańyndaǵy merekelik otshashýmen aiaqtalady.
