EKSPO kórmesin uiymdastyrý men ótkizý jónindegi qoǵamdyq keńes músheleri kórme kezinde Baiqońyrǵa ushatyn tikelei áýe reisterin ashýdy usynyp otyr, dep habarlaidy "Ult aqparat".
«Baiqońyr» ǵarysh ailaǵynda týrizmdi damytý maqsatynda «Roskosmos» basshylyǵymen «Astana - Baiqońyr-Astana» jáne «Almaty -Baiqońyr-Almaty» tikelei áýe reisterin ashý máselesin sheship alý qajet», - deidi qoǵamdyq keńes tóraǵasy Erlan Sydyqov.
Budan bólek, keńes músheleri Baiqońyr ǵarysh ailaǵynda týrizmdi damytý baǵdarlamasyn bekitý sharalaryn shapshańdatý qajet dep sanaidy. Osy oraida shetel azamattarynyń ǵarysh ailaǵyna kirýine ruqsat berý merzimin 45 kúnnen 14 kúnge deiin qysqartý máselesin sheshý kerek.
Aita keteiik, búgingi otyrys barysynda keńes músheleri taǵy birqatar usynystaryn jariialady. Sonyń ishinde týrizm máselelerimen ainalysatyn bólek memlekettik organdy ashý bastamasy da bar.
Keńes tóraǵasy Erlan Sydyqovtyń aitýynsha, EKSPO kórme kezinde ýniversitet jataqhanalary jalǵa beriledi.
