Bul týraly Elbasy Nursultan Nazarbaevtyń tóraǵalyǵymen ótip jatqan «EKSPO-2017» kórmesiniń daiyndyq barysyna jáne Astana qalasyn damytýǵa arnalǵan keńeste elorda ákimi Áset Isekeshev málim etti, dep habarlaidy Ult.kz tilshisi QazAqparat agenttigine silteme jasap.
«Qalanyń EKSPO-ǵa daiyndyq sharalary mańyzdy baǵyttardyń biri bolyp tabylady. Osy oraida ákimdik janynda shtab qurylyp, barlyq jumystar belgilengen merzimge sáikes júrgizilip jatyr. Keletin qonaqtardy ornalastyrý máselesine toqtalatyn bolsaq, qala 2 millionnan astam týristi qabyldaýǵa jáne turatyn jerge ornalastýrǵa daiyn, sondai-aq ákimdik janynda brondaý bólimi quryldy», - dedi qala ákimi.
Budan bólek ol qoǵamdyq tamaqtaný oryndarynyń jaiynda aita kele, jalpy kórme kezinde shaharda tamaqtandyrý oryndary boiynsha 110 myń oryn qajet ekenin, qazirgi ýaqytta 850 qoǵamdyq tamaqtandyrý nysandary 116 myń oryndy qamtamasyz ete alatynyn jetkizdi.
«Osy úsh aida azyq-túlik ónimderin tutyný deńgeii 20-30 paiyzǵa ósedi dep boljap otyrmyz. Bul rette ónimderdi saqtaý qoimalarynyń syiymdylyǵy jetkilikti», - dep naqtylady Isekeshev.
