26-30 maýsym aralyǵynda Astanada EKSPO - 2017 halyqaralyq mamandandyrylǵan kórmesine arnalǵan Aqtóbe oblysynyń kúnderi ótedi, dep habarlaidy QazAqparat.
Qala turǵyndary men qonaqtaryn óńirdiń úzdik shyǵarmashylyq ujymy daiyndaǵan mádeni-saýyqtyrý baǵdarlamasy kútedi. Sol úshin Astanaǵa Aqtóbe oblysynan 600-den asa ónerpaz keledi. Merekelik sharaǵa Aqtóbe oblysynyń ákimi Berdibek Saparbaev qatysady.
Biregei shoý baǵdarlamany 26 maýsym kúni keshke ótetin EKSPO-2017 kórmesiniń aýmaǵyndaǵy amfiteatr sahnasynda «Aqtóbe - qutty meken» gala kontserti ashady. Oǵan «I am a Singer» halyqaralyq konkýrsynyń finalisi Dimash Qudaibergenov, sonymen qatar qazaq estradasynyń juldyzdary men Aqtóbe oblysynyń shyǵarmashylyq ujymdary qatysady.
Astanalyqtar úshin basty syilyqtardyń biri - tanymal aqtóbelik Dimash Qudaibergenniń Bastau Live show jeke kontserti bolmaq. 27 maýsym kúni astanalyqtar men Astana qonaqtary erekshe daýys iesin tyńdap, onyń shyǵarmashylyǵyna tánti bola alady.
Bes kún boiy «Qazanat» qalalyq ippodromyndaǵy etnoaýylda barlyq kelýshiler úshin «Aqtóbe oblysynyń qazynasy» ulttyq etnografikalyq dúnieler kórmesi, al «Has Sanat» astana galereiasynda «Aqtóbe manýfaktýralary» atty kartinalar kórmesi men Aqtóbe oblysynyń asa kórnekti arhitektýralyq eskertkishteriniń fotokórmesi jumys jasaityn bolady.
27 maýsym kúni saǵat 15:00-de «Qazanat» ippodromynyń aýmaǵynda oblystyń shyǵarmashylyq ujymdarynyń qatysýymen «El júregi Astanaǵa - Araily Aqtóbeden» atty teatrlandyrylǵan etno-kontserttik baǵdarlamasy ótedi. Atap aitqanda, A.Jubanov atyndaǵy qazaq halyqtyq aspaptary orkestri óner kórsetip, T.Ahtanov atyndaǵy oblystyq drama teatr ártisteriniń oryndaýynda «Aiman-Sholpan» mýzykalyq spektakli, «Alaqai» qýyrshaq teatrynyń «Jaina, jadyra, dostar» atty shoý baǵdarlamasy qoiylady dep josparlanýda.
Budan ózge, 28 maýsymda QR Qarýly kúshteriniń áskeri-tarihi murajaiynyń qabyrǵalarynda «Aqtóbe - tarih tolqynynda» atty kitap kórmesi men «Dýlyǵaly dala perzentteri» oblystyq tarihi-ólketaný murajaiynyń kórmesi ashylady.
Kishkentailar úshin «Báiterek» monýmentiniń aldyndaǵy alańda 28 maýsym kúni saǵat 15:00-den 17:00-ge deiin «Balalarǵa bazarlyq» oiyn-saýyq baǵdarlamasy uiymdastyrylatyn bolady.
Mádeni baǵdarlama aiasynda ulttyq sport oiyndaryn, tazy jáne tóbet tuqymdy itterdiń kórmesin, «Qazaq kúresi» men «Toǵyzqumalaqtan» ashyq týrnirler jáne t.b. uiymdastyrylmaq.
Aqtóbe oblysynyń kúnderi 30 maýsym kúni keshke Astana ákimdiginiń aldynda Miras pen Quralai Bekjanovtar, Nurlan Abdýllin, Allabergen Jaqsybaev syndy ózge de qazaq juldyzdarynyń qatysýymen ótetin «Araily rýh - Astana» qorytyndy gala kontsertimen aiaqtalady.
