«EKSPO-2017» halyqaralyq mamandandyrylǵan kórmesine 140 myń ońtústikqazaqstandyq bilet satyp alǵan. Álemdik deńgeidegi sharaǵa óńirden 3 750 balany alyp barý josparlanyp otyr. Bul týraly aimaqtyq kommýnikatsiialyq ortalyqta ótken brifingte OQO kásipkerlik, indýstriialdyq-innovatsiialyq damý jáne týrizm basqarmasynyń basshysy Batyrhan Qurmanseiit málim etti, dep habarlaidy QazAqparat HAA tilshisi.
«EKSPO-2017» halyqaralyq mamandandyrylǵan kórmesiniń ashylýyna sanaýly saǵattar qaldy. Ońtústik Qazaqstan oblysy turǵyndardy Astanaǵa jiberýge jáne qonaqtardy kútip alýǵa daiyn.
Batyrhan Qurmanseiittiń sózinshe kórmeni kúngeidegi múmkindigi shekteýli jandar, ardagerler jáne zeinetkerler de nazardan tys qalmaidy. Oblystyq jumyspen qamtýdy úilestirý jáne áleýmettik baǵdarlamalar basqarmasynyń jasaqtaǵan tizimimen 179 adam kórme nysandaryn tamashalai alady. Budan bólek, «Shymkent-Astana» baǵytynda júretin poiyz 86 vagon 3 044 orynmen tolyqtyrylyp otyr. Áýe baǵytynda da 16 755 qosymsha oryn bólingen.
«Qazirgi tańda «EKSPO-2017» kórmesine barý kestesi ázirlenýde. Oblys turǵyndarynyń ornalasý máselesi de sheshilgen. Bul maqsatta Qazaqstan Agrotehnikalyq Ýniversiteti men Qazaqstan Ulttyq Óner Akademiiasynan kúndelikti 600 oryn brondalady. Ýaqytsha turǵyn úige muqtaj tulǵalardyń ótinishi Astana qalasyndaǵy arnaiy brondaý bólimine túsedi. Tizim únemi jańartylyp otyrady», - dedi oblystyq kásipkerlik, indýstriialdyq-innovatsiialyq damý jáne týrizm basqarmasynyń basshysy Batyrhan Qurmanseiit.
Jalpy, ońtústik óńirine 2 490 oryn arnaiy ótinishpen brondalypty. Ótinishterdiń basym bóligi Kentaý, Túrkistan qalalary men Shardara jáne Maqtaaral aýdandarynan jáne OQO jumyspen qamtýdy úilestirý jáne áleýmettik baǵdarlamalar basqarmasynan kelip túsken.
