Astana sotyndaǵylar QR aýyl sharýashylyǵynyń burynǵy vitse-ministri Músilim Ómiriiaevtiń ne sebepti bostandyqqa shyqqanyn túsindirip berdi, - dep habarlaidy "Ult aqparat" kaz.tengrinews.kz portalyna silteme jasap.
2016 jyldyń 28 jeltoqsanynda Astana qalasynyń Almaty aýdandyq № 2 soty sottalǵan Ómiriiaevtiń ótelmegen jazasyn jeńildetýge qatysty ótinishin qarady.
"Astana qalasynyń qylmystyq isteri jónindegi mamandandyrylǵan aýdanaralyq sotynyń 2017 jyldyń 16 qazanyndaǵy sheshimine sáikes, Músilim Ómiriiaev QR Qylmystyq kodeksiniń 366-baby boiynsha ("Para alý") 10 jylǵa bas bostandyǵynan aiyrylǵan bolatyn. Biraq QR Joǵarǵy sotynyń qylmystyq ister jónindegi sot alqasynyń 2016 jyldyń 8 qarashasyndaǵy sheshimimen Ómiriiaevtiń jazasy 366-baptan 362-bapqa ("Bilikti nemese laýazymdyq ókilettikterdi asyra paidalaný") aýystyrylyp, ol tórt jylǵa bas bostandyǵynan aiyryldy", - delingen Astana sotynyń habarlamasynda.
"Sot otyrysy barysynda sottalýshynyń jazasyn qajetti bóligin ótep qoiǵany, jazasyn ótep jatqan jerdegi jaqsy minezdemesi bar ekeni, sottalýshylardyń ózderi uiymdastyrǵan uiymdarǵa qatysyp júrgeni anyqtaldy. Protsessýaldyq shyǵyndar óz erkimen tolyqtai ótelgen", - delingen sottyń habarlamasynda.
"Sottalýshynyń ótinishin qarap shyqqan birinshi instantsiialy sottyń 2016 jyldyń 28 jeltoqsanyndaǵy sheshimi boiynsha, Músilim Ómiriiaevtiń jazasynyń ótelmegen bóligi jeńildetildi", - Astana qalalyq sottyń baspasóz qyzmetindegiler.
Sondai-aq, sotttyń úkimimen qalǵan jazaǵa probatsiialyq baqylaý belgilendi. Sot úkimi zańdy kúshine endi.
Eske sala keteiik, 2014 jyldyń 16 qazanynda Astana qalalyq qylmystyq ister boiynsha aýdanaralyq soty QR Qylmystyq kodeksiniń 311-baby 5-bóligi boiynsha Músilim Ómiriiavti asa iri kólemde para aldy dep aiyptap, 10 jylǵa bas bostandyǵynan aiyrǵan bolatyn. Sondai-aq múlkin tárkileýge úkim shyǵarǵan edi.
Keiin Ómiriiavtiń qorǵaýshysy aiyp iske qatysty materialdarmen sáikes kelmeidi dep qarsy aryzdanǵan bolatyn. Biraq apelliatsiialyq aryz qaita qaralmai qaldy.
Músilim Ómiriiaev 2013 jyldyń 21 jeltoqsanynda asa qomaqty mólsherde - 100 myń dollar somasynda para aldy degen kúdikpen ustalǵan bolatyn. Sol ýaqytta tergeý joǵary laýazymdy sheneýniktiń Aýyl sharýashylyǵy ministrligi ótkizgen memlekettik satyp alý konkýrsynda almatylyq kásipkerge kómektesken degen nusqany usynǵan. Biraq Ómiriiaev ózie taǵylǵan aiyptardy moiyndamady
