Elbasy N.Nazarbaevtyń ókimimen QR Qorǵanys ministriniń orynbasary taǵaiyndaldy, - dep habarlaidy "Ult aqparat" Aqordaǵa silteme jasap.
Bul qyzmetke eks-senator Muhtar Altynbaevtyń uly Múslim Altynbaev taǵaiyndaldy.
"Memleket basshysynyń Ókimimen Múslim Muhtaruly Altynbaev Qazaqstan Respýblikasy Qorǵanys ministriniń orynbasary bolyp taǵaiyndaldy, ol Qazaqstan Respýblikasy Qaýipsizdik Keńesiniń Áskeri qaýipsizdik jáne qorǵanys bóliminiń meńgerýshisi qyzmetinen bosatyldy", - delingen Aqordanyń habarlamasynda.
Múslim Muhtaruly 1966 jyly 19 qańtarda Qaraǵandy qalasynda dúniege kelgen. General-maior. (2010), 1983 jyly orta mektepten keiin QR Prezidenti janyndaǵy Memlekettik qyzmet akademiiasyn (2005), Stavropol joǵary aviatsiialyq ushqyshtar jáne shtýrmandar ýchilishesin (1987), QR UQK institýtynyń kýrsyn (1995), RF QM Áskeri- diplomatiialyq akademiiasyn 1998), AQSh Qorǵanys lingvistikalyk institýtynyń aǵylshyn tili kýrsyn (2004) bitirgen.
Stavropol joǵary aviatsiialyq ushqyshtar jáne shtýrmandar ýchilishesiniń kýrsanty (1983-87), II137 áskeri bólimi komandiriniń qaramaǵyna jiberildi, OQ jalpyásker armiiasy ÁQ isker diviziiasy istrebiteldik aviatsiialyq polky áskeri basqarý komandalyq pýnkitiniń ofitseri, ÁQ áskeri korpýsy kózdeý pýnkiti kózdeý shtýrmany, aǵa shtýrmany, 03811 áskeri bólimi jedel baǵyttaý bastyǵynyń kómekshisi, 14776 áskeri bólimi basqarmasy bastyǵynyń aǵa kómekshisi, RF QM Áskeri-diplomatiialyq akademiiasynyń tyńdaýshysy, 21346 áskeri bólimi jedel baǵyttaý bastyǵy, 22753 áskeri bólimi áskeri attashesiniń kómekshisi (1987-99), 22753 áskeri bólimi áskeri attashesi, 14776 áskeri bólimi basqarmasynyń áskeri attashesi, 22753 áskeri bóliminiń komandiri, QR QM Shtabtar bastyqtary komiteti tóraǵasynyń orynbasary, QR QM Bas inspektsiia bastyǵy, «Astana» aimaqtyq qolbasshylyǵy áskeri qolbasshysynyń birinshi orynbasary - Basqarma shtabynyń bastyǵy (1999-2010), «Astana» aimaqtyq qolbasshylyǵy áskeri qolbasshysy (2010 jyldyń naýryzynan). 2-dárejeli «Aibyn» ordeni, ózge de medaldarmen marapattalǵan.
