Eks-senator Saǵyndyq Esimhanov qaitys boldy, - dep habarlaidy "Ult aqparat". Bul málimetti Senattyń baspasóz qyzmeti rastady.
Saǵyndyq Ólmesekuly Esimhanov 1959 jyly týǵan. 1981 jyly Pavlodar indýstrialdy institýtyn injener-mehanik mamandyǵy boiynsha, 1995 jyly Qazaq basqarý Akademiiasy janyndaǵy Naryq institýtyn bitirgen.
Eńbek jolyn 1981 jyly Pavlodar qalasyndaǵy "Oktiabr" zaýytynyń injener-tehnology bolyp bastaǵan. 1983 jyldan bastap Pavlodar oblysynyń partiia-komsomol organdarynda jumys istedi. 1993 jyldan 1997 jylǵa deiin "Qazkommertsbank" AAQ direktorynyń orynbasary, direktory, "Trapko" AAQ ókildiginiń direktory bolyp jumys istedi. 1997-1999 jyldary-qalalyq, odan keiin oblystyq qarjy basqarmasynyń bastyǵy.
Ol 1999-2005 jyldar aralyǵynda QR Parlamenti Senatynyń depýtaty boldy. 2006-2007 jyldary QR Qarjy ministriniń keńesshisi qyzmetin atqardy. 2007-2008 jyldar aralyǵynda Pavlodar oblysy sottarynyń ákimshisi boldy. 2008-2009 jyldary Aqtóbe oblysy ákimi apparatynyń basshysy qyzmetin atqardy. Oblystyq qarjy basqarmasy bastyǵynyń orynbasary bolyp jumys istedi.
Sonymen qatar, Saǵyndyq Esimhanov Pavlodar oblysy ákimdiginiń jumyspen qamtýdy úilestirý jáne áleýmettik baǵdarlamalar basqarmasynyń bastyǵy qyzmetin atqardy.
