© Photo: QR Parlament Senatynyń baspasóz qyzmeti
Eks-prezident Nursultan Nazarbaevtyń keńsesinde jumys isteitin adam sany qysqartyldy, biýdjeti de azaitylady. Bul týraly Cenat spikeri Máýlen Áshimbaev málimdedi, dep habarlaidy Sputnik Qazaqstan.
Búgin Cenat otyrysynan keiin jýrnalister spikerden eks-prezidenttiń keńsesi týraly surady.
"Meniń bilýimshe, onda isteitin adamdardyń sanyn kúrt qysqarǵan. Qazir naqty sanyn aita almaimyn. Biraq burynǵydai biraz adam istep jatqan joq. Qazir úlken fýnktsiialary da joq. Soǵan bailanysty biýdjetti qaraǵan kezde biz qarjy máselesin de qaraityn shyǵarmyz", - dedi Áshimbaev.
Spikerdiń oiynsha, Nazarbaevtyń keńsesi batystyń úlgisimen qalýy múmkin.
"Mysaly, AQSh-ty alyp qarasaq, ol jaqta eks-prezidentterdiń kitaphanalary bar, ózderiniń mýzeileri bolady, ózderiniń ishki apparaty bolady. Bul jalpy damyǵan memleketterde bar úrdis. Eger ol prezident biraz eńbek etse, óziniń kitaptary, qaǵazdary bolady. Bir-eki kómekshisi bolýy kerek shyǵar. Sondyqtan biz ózimiz bir nárse taýyp otyrǵan joqpyz. Bul batys memleketterinde bar úrdis. Osydan biz úirenýimiz kerek. Biraq burynǵydai keńse joq", - dep atap kórsetti spiker.
video: Sputnik Qazaqstan
