© Photo: قر پارلامەنت سەناتىنىڭ باسپاسٶز قىزمەتٸ
ەكس-پرەزيدەنت نۇرسۇلتان نازارباەۆتىڭ كەڭسەسٸندە جۇمىس ٸستەيتٸن ادام سانى قىسقارتىلدى, بيۋدجەتٸ دە ازايتىلادى. بۇل تۋرالى Cەنات سپيكەرٸ مەۋلەن ەشٸمباەۆ مەلٸمدەدٸ, دەپ حابارلايدى Sputnik قازاقستان.
بٷگٸن Cەنات وتىرىسىنان كەيٸن جۋرناليستەر سپيكەردەن ەكس-پرەزيدەنتتٸڭ كەڭسەسٸ تۋرالى سۇرادى.
"مەنٸڭ بٸلۋٸمشە, وندا ٸستەيتٸن ادامداردىڭ سانىن كٷرت قىسقارعان. قازٸر ناقتى سانىن ايتا المايمىن. بٸراق بۇرىنعىداي بٸراز ادام ٸستەپ جاتقان جوق. قازٸر ٷلكەن فۋنكتسييالارى دا جوق. سوعان بايلانىستى بيۋدجەتتٸ قاراعان كەزدە بٸز قارجى مەسەلەسٸن دە قارايتىن شىعارمىز", - دەدٸ ەشٸمباەۆ.
سپيكەردٸڭ ويىنشا, نازارباەۆتىڭ كەڭسەسٸ باتىستىڭ ٷلگٸسٸمەن قالۋى مٷمكٸن.
"مىسالى, اقش-تى الىپ قاراساق, ول جاقتا ەكس-پرەزيدەنتتەردٸڭ كٸتاپحانالارى بار, ٶزدەرٸنٸڭ مۋزەيلەرٸ بولادى, ٶزدەرٸنٸڭ ٸشكٸ اپپاراتى بولادى. بۇل جالپى دامىعان مەملەكەتتەردە بار ٷردٸس. ەگەر ول پرەزيدەنت بٸراز ەڭبەك ەتسە, ٶزٸنٸڭ كٸتاپتارى, قاعازدارى بولادى. بٸر-ەكٸ كٶمەكشٸسٸ بولۋى كەرەك شىعار. سوندىقتان بٸز ٶزٸمٸز بٸر نەرسە تاۋىپ وتىرعان جوقپىز. بۇل باتىس مەملەكەتتەرٸندە بار ٷردٸس. وسىدان بٸز ٷيرەنۋٸمٸز كەرەك. بٸراق بۇرىنعىداي كەڭسە جوق", - دەپ اتاپ كٶرسەتتٸ سپيكەر.
ۆيدەو: Sputnik قازاقستان
