Kollaj: Ulysmedia.kz
Eks-mádeniet jáne sport ministri Arystanbek Muhamediulynyń advokaty para berýge itermeledi degen kúdikke ilindi, dep habarlaidy "Ult aqparat" Sybailas jemqorlyqqa qarsy is-qimyl agenttiginiń baspasóz qyzmetine silteme jasap.
"Antikorrýptsiialyq qyzmet tergep jatqan qylmystyq isterdi jedel súiemeldeý aiasynda sot tóreligin iske asyrý jónindegi qyzmetke aralasýǵa baǵyttalǵan asa aýyr jemqorlyq qylmystar jasalynǵany anyqtaldy.
Aitalyq, jasyryn is-sharalar kesheniniń nátijeleri boiynsha para berýge oqtalǵan QR Mádeniet jáne sport eks-ministri Arystanbek Muhamediulynyń jubaiy áshkerelendi. Condai-aq atalǵan adamdardyń múddelerin qorǵaýdy júzege asyrǵan advokat alaiaqtyq pen para berýge itermeleý kúdigimen ustaldy" - delingen habarlamada.
Muhamediulynyń qylmystyq jazasyn jeńildetý jáne qamaýdan bosatý syltaýymen advokat qorǵalýshynyń jubaiynan sot organdarynyń laýazymdy adamdaryna berý úshin para retinde 460 000 AQSh dollary somasynda aqshalai qarajat alǵan.
"Tergeý amaldary barysynda 255 000 AQSh dollary kólemindegi qarajat anyqtalyp, tárkilendi. Qalǵan somany óz qalaýy boiynsha jumsaǵany anyqtaldy.
Eks-ministrdiń ókili ustalyp, ýaqytsha ustaý izoliatoryna qamaldy. Sondai-aq Muhamediulynyń jubaiy asa iri kólemde para berýge oqtalýy boiynsha kúdikti bolyp tanyldy.
QR QPK 201-babyna sáikes, tergeý múddesine orai ózge aqparat jariialaýǵa jatpaidy" - delingen habarlamada.
Konstitýtsiianyń 77-baby 3-tarmaǵynyń 1-tarmaqshasyna jáne Qylmystyq-protsestik Kodeksiniń 19-baby 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árbir adam kinásiz dep esepteledi.
Aita keteiik, Astana qalasynyń Qylmystyq ister jónindegi aýdanaralyq sotynyń úkimimen Arystanbek Muhamediuly 8 jylǵa bas bostandyǵynan aiyrylǵan bolatyn.
