كوللاج: Ulysmedia.kz
ەكس-مەدەنيەت جەنە سپورت مينيسترٸ ارىستانبەك مۇحامەديۇلىنىڭ ادۆوكاتى پارا بەرۋگە يتەرمەلەدٸ دەگەن كٷدٸككە ٸلٸندٸ, دەپ حابارلايدى "ۇلت اقپارات" سىبايلاس جەمقورلىققا قارسى ٸس-قيمىل اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
"انتيكوررۋپتسييالىق قىزمەت تەرگەپ جاتقان قىلمىستىق ٸستەردٸ جەدەل سٷيەمەلدەۋ اياسىندا سوت تٶرەلٸگٸن ٸسكە اسىرۋ جٶنٸندەگٸ قىزمەتكە ارالاسۋعا باعىتتالعان اسا اۋىر جەمقورلىق قىلمىستار جاسالىنعانى انىقتالدى.
ايتالىق, جاسىرىن ٸس-شارالار كەشەنٸنٸڭ نەتيجەلەرٸ بويىنشا پارا بەرۋگە وقتالعان قر مەدەنيەت جەنە سپورت ەكس-مينيسترٸ ارىستانبەك مۇحامەديۇلىنىڭ جۇبايى ەشكەرەلەندٸ. Cونداي-اق اتالعان ادامداردىڭ مٷددەلەرٸن قورعاۋدى جٷزەگە اسىرعان ادۆوكات الاياقتىق پەن پارا بەرۋگە يتەرمەلەۋ كٷدٸگٸمەن ۇستالدى" - دەلٸنگەن حابارلامادا.
مۇحامەديۇلىنىڭ قىلمىستىق جازاسىن جەڭٸلدەتۋ جەنە قاماۋدان بوساتۋ سىلتاۋىمەن ادۆوكات قورعالۋشىنىڭ جۇبايىنان سوت ورگاندارىنىڭ لاۋازىمدى ادامدارىنا بەرۋ ٷشٸن پارا رەتٸندە 460 000 اقش دوللارى سوماسىندا اقشالاي قاراجات العان.
"تەرگەۋ امالدارى بارىسىندا 255 000 اقش دوللارى كٶلەمٸندەگٸ قاراجات انىقتالىپ, تەركٸلەندٸ. قالعان سومانى ٶز قالاۋى بويىنشا جۇمساعانى انىقتالدى.
ەكس-مينيستردٸڭ ٶكٸلٸ ۇستالىپ, ۋاقىتشا ۇستاۋ يزولياتورىنا قامالدى. سونداي-اق مۇحامەديۇلىنىڭ جۇبايى اسا ٸرٸ كٶلەمدە پارا بەرۋگە وقتالۋى بويىنشا كٷدٸكتٸ بولىپ تانىلدى.
قر قپك 201-بابىنا سەيكەس, تەرگەۋ مٷددەسٸنە وراي ٶزگە اقپارات جارييالاۋعا جاتپايدى" - دەلٸنگەن حابارلامادا.
كونستيتۋتسييانىڭ 77-بابى 3-تارماعىنىڭ 1-تارماقشاسىنا جەنە قىلمىستىق-پروتسەستٸك كودەكسٸنٸڭ 19-بابى 1-بٶلٸگٸنە سەيكەس, قىلمىستىق قۇقىق بۇزۋشىلىق جاساۋداعى كٸنەسٸ سوتتىڭ زاڭدى كٷشٸنە ەنگەن ٷكٸمٸمەن بەلگٸلەنگەنگە دەيٸن ەربٸر ادام كٸنەسٸز دەپ ەسەپتەلەدٸ.
ايتا كەتەيٸك, استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ ٷكٸمٸمەن ارىستانبەك مۇحامەديۇلى 8 جىلعا باس بوستاندىعىنان ايىرىلعان بولاتىن.
