Foto: jeke muraǵat
Bas prokýratýra memlekettik múlikti basqarý jáne jekeshelendirý salasynda tekserý júrgizip, Jekelegen jaǵdailarda memlekettik múlikti satý zańǵa qaishy keletini anyqtaldy, sondyqtan prokýrorlar 4,8 mlrd teńgeden astam somaǵa múlikti memleket menshigine qaitarý týraly talap qoiýlarǵa bastamashylyq jasady.
Olardyń bireýin sot qanaǵattandyrdy.
2019 jyly burynǵy mádeniet ministri Arystanbek Muhamediulymen úlestes jeke kompaniianyń paidasyna 332 mln teńgege Sý jáne qoldanbaly sport túrleri boiynsha respýblikalyq joǵary sport sheberligi mektebi iske asyrylǵan.
Almaty qalasynda ornalasqan kásiporyn satylǵanǵa deiin 662 mln teńgege baǵalandy.
Bul rette, múliktik keshenniń naqty naryqtyq quny 1,213 mlrd teńgege baǵalanǵan, somadaǵy aiyrmashylyq kásiporynnyń uzaq merzimdi aktivteriniń tómendeýinen kóringen. Almaty qalasy prokýratýrasynyń talap qoiýy boiynsha sot kásiporyndy satyp alý-satý shartyn jaramsyz dep tanydy.
"Sonymen qatar, Astana men Almatyda prokýrorlardyń talap qoiýlary boiynsha burynǵy Mádeniet ministri Muhamediulymen bailanysty kompaniialarǵa buryn satylǵan 3,5 mlrd teńgeden astam somaǵa taǵy úsh obektini memleket menshigine qaitarý týraly sot talqylaýlary júrýde. Tekserý sheńberinde Ulytaý oblysynyń prokýratýrasy Qaraǵandy memlekettik múlik departamenti basshylarynyń birin sotqa berdi (Qylmystyq kodekstiń 371-babynyń 2-bóligi boiynsha – Salǵyrttyq)", - delingen habarda.
Sońǵysy memleketke 184 mln teńgege zalalkeltirýge ákep soqqan memlekettik menshik obektisin ielikten shyǵarý kezinde nemqurailylyq tanytqany úshin aiyptalyp otyr.
Tekserý qorytyndysy boiynsha Bas prokýratýranyń usynýy boiynsha júieli kemshilikter men olqylyqtar úshin memlekettik múlik jáne jekeshelendirý komitetiniń 35 laýazymdy adamy, onyń ishinde óńirlik departamentterdiń birinshi basshylary jazalandy.
"Memleket basshysynyń biylǵy 7 aqpandaǵy memlekettik menshikti ielikten shyǵarý protsesterin jetildirý qajettigi týraly tapsyrmasyn oryndaý maqsatynda jáne odan ári buzýshylyqtardy boldyrmaý úshin Bas prokýratýra salalyq Komitetpen birlesip osy salany túbegeili ózgertý jónindegi tujyrymdamalyq bastamalardy ázirlegenin atap ótken jón. Atap aitqanda, Úkimet bekitken Jol kartasy sheńberinde aktivterdi tikelei ataýly satýdy jáne múlikti keiin satyp alý quqyǵymen senimgerlik basqarýǵa berýdi alyp tastaý, baǵany tómendetý úshin jekeshelendirý tetigin qaita qaraý, sondai-aq jekeshelendiriletin obektilerdiń qunyn esepteýdiń biryńǵai ádistemesin aiqyndaý usynyldy", - deidi vedomstvodaǵylar.
Aita keteiik, biyl 13 aqpanda Muhamediuly 13 jylǵa sottalǵan.
