Burynǵy densaýlyq saqtaý ministri, Transplantatsiia boiynsha Respýblikalyq koordinatsiialyq ortalyq jetekshisi Jaqsylyq Dosqaliev Tengrinews.kz portaly arqyly qazaqstandyqtarǵa máiit donorlyǵyna túsinistikpen qaraýdy surap, úndeý jasady.
Onyń aitýynsha, miy ólgen kisi keminde bes adamnyń ómirin jalǵai alady. Sondyqtan Dosqalievtiń úndeýi marqumdardyń týystary men jaqyndaryna baǵyttalǵan.
"Qazaqstandyqtarǵa, otandastaryma aitqym keledi, adamnyń miy ólgen sátte nemese onyń ólip bara jatqanynda oǵan ishki músheleri o dúniede kerek emes, denesi osynda qalyp, kómiledi. Biraq marqum keminde bes adamnyń ómirin jalǵai alady, búirek, baýyr, asqazan asty bezi, ókpe, júrek siiaqty jupty músheler arqyly. Qazaqstandyqtarǵa adam miy ólgen sátte dárigerler kelip, basqa adamdarǵa kómek qajet degen sátte oǵan salmaqty qaraýyn suraǵym keledi. Qazaqstandyqtar meni durys túsinse eken, múshe aýystyrýǵa muqtaj adamdardyń ómirin saqtap qalýǵa tyryssa", - deidi ol.
Qazirgi tańda Qazaqstanda 2 523 adam donorlyq búirekke zárý (olardyń ishinde 51 bala), 532 adamǵa baýyr qajet (onyń ishinde 9 bala), 130 adam donorlyq júrek kútip otyr (onyń ishinde 16 bala) jáne 11 adam donorlyq ókpege zárý. "Men ishki múshelerin alyp ózge adamǵa salýǵa ruqsat bergenderdiń ata-ana, aǵa-baýyr men ápke-qaryndastarynyń aldynda basymdy iemin", - deidi Jaqsylyq Dosqaliev.
.jpeg)