Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Qoǵam

Eks-ministr Birtanovqa qatysty basty sot otyrysynyń ýaqyty belgilendi

Ult portaly
Eks-ministr Birtanovqa qatysty basty sot otyrysynyń ýaqyty belgilendi


Sot burynǵy densaýlyq saqtaý ministri Eljan Birtanov pen onyń orynbasary Oljas Ábishevke qatysty sot otyrysy ótetin kúndi jariialady, - dep habarlaidy Tengrinews.kz.

"Saryarqa aýdanynyń №2 aýdandyq soty Eljan Birtanov pen Oljas Ábishevke qatysty qylmystyq istiń materialdaryn qarap: QIJK-ny buzý derekterin joiý jáne qylmystyq is boiynsha óndiristi toqtatý jáne Birtanovqa qatysty bultartpaý sharasyn ózgertý maqsatynda sottalýshylar men qorǵaýshylardyń qylmystyq isti prokýrorǵa qaitarý týraly ótinishhatyn qanaǵattandyrýdan bas tartty. Eljan Birtanov pen Oljas Ábishevti aiyptaý boiynsha qylmystyq is óndiriske qabyldansyn. Basty sot talqylaýy 26 mamyr saǵat 10.00-ge jalpy tártippen ashyq sot otyrysynda taǵaiyndalsyn", - dep qaýly etti Saryarqa aýdandyq №2 sotynyń sýdiasy Ibragim Álkenov.

Eske salaiyq, buǵan deiin sot zańbuzýshylyqtardy joiý úshin eks-sheneýnikterge qatysty qylmystyq isti prokýrorǵa qaitarǵan bolatyn. 11 mamyrda ótken aldyn ala tyńdaýda Birtanovtyń advokattary zańbuzýshylyqtar joiylmaǵanyn málimdedi.

Alaida sot isti óndiriske qabyldady.

"Sot qylmystyq isti qaita qaitarýǵa negiz joq degen qorytyndyǵa keldi. Sot talqylaýynda sizdermen birge usynylǵan qujattardy zertteimiz jáne sot osy materialdarǵa baǵa beredi. (...) Isti qaitarýǵa eń basty negiz qorǵaý tarapynyń shaǵymdaryna jaýap berilmegeni boldy. Bul mán-jaidy prokýratýra joidy, al sottalýshylardyń kinási nemese kinásizdigi týraly dáleldemelerdi basty sot talqylaýynda zerttep, baǵalaimyz", - dep túsindirdi sýdia.

Eske salaiyq, 2020 jyldyń 25 maýsymynda Eljan Birtanov densaýlyq saqtaý ministri qyzmetinen bosatyldy. Densaýlyq saqtaý ministrliginiń burynǵy basshysy Eljan Birtanov 2020 jyldyń qarashasynan beri úiqamaqta otyr.

Burynǵy ministr Eljan Birtanov pen burynǵy vitse-ministr Oljas Ábishev Densaýlyq saqtaý ministrliginiń jumys istemeitin aqparattandyrý platformasyn qabyldap, iske qosý arqyly qyzmet babyn asyra paidalandy degen kúdikke ilindi. Advokattyń aitýynsha, quqyq qorǵaý organdary is boiynsha bapty qaita saralaǵan.

Oqi otyryńyz