Foto: ashyq derekkóz
Astana politsiiasy eks-diplomat Sáken Mamashty qamaýǵa aldy. Byltyr onyń áieli 10 jyldan beri kúieýinen zorlyq kórip kele jatqanyn málimdep, Qazaqstan biliginen kómek suraǵannan keiin burynǵy diplomatqa qarsy qylmystyq is qozǵalǵan edi, dep habarlaidy Ult.kz.
"Byltyr burynǵy elshiniń keńesshisine qarsy áielin turaqty túrde uryp-soqqany úshin qylmystyq is qozǵalǵan. Politsiia jedel-tergeý tobyn qurǵan. Oqiǵanyń barlyq mán-jaiyn anyqtaý úshin birqatar qajetti saraptama júrgizildi. Aitarlyqtai dáleldemelik baza jinaqtaldy. Tergeý soty M.S-ny qamaýǵa alý týraly sheshim qabyldady" delingen habarlamada.
Byltyr kóktemde burynǵy diplomattyń áieliniń shaǵymy jariialanǵan shaqta syrtqy ister ministrligi Qazaqstannyń BAÁ-daǵy elshisiniń keńesshisi Sáken Mamashty elge qaitaryp jatqanyn habarlaǵan. Izinshe diplomattyń áieli BAÁ-dan Astanaǵa kelip, balalarymen birge daǵdarys ortalyǵyna ornalastyrylǵany habarlandy.
