Foto: ashyq derekkóz
Astana qalasynyń aýdanaralyq qylmystyq ister jónindegi sotynyń úkimi boiynsha burynǵy diplomat, Qazaqstannyń Birikken Arab Ámirlikterindegi elshiniń keńesshisi Sáken Mamash Qylmystyq kodekstiń 110-baby – azaptaý baby boiynsha kináli dep tanylyp, 6 jylǵa bas bostandyǵynan aiyryldy, dep habarlaidy Ult.kz Kursiv Media Kazakhstan basylymyna silteme jasap.
Qylmysker jazasyn qaýipsizdigi ortasha mekemede óteidi.
Sotta áshkerelengendei, Mamash 2019–2024 jyldar aralyǵynda jubaiy Karinaǵa psihologiialyq, fizikalyq jáne emotsionaldyq azap kórsetip kelgen. Bul aiyp áieldiń jáne kýágerlerdiń jaýaptary, saraptamalyq qorytyndylar, beinejazba men basqa da dálelder negizinde dáleldendi.
2024 jylǵy mamyrda Karina Mamash áleýmettik jelide kúieýinen on jyl boiy zorlyq-zombylyq kórip kele jatqanyn jariialaǵan bolatyn. Bul video jariialanǵan soń Mamash Abý-Dabidegi qyzmetinen shaqyrtylyp, 2025 jylǵy sáýirde qamaýǵa alyndy.
Sot úkimi boiynsha Mamash Qylmystyq kodekstiń 110-baby, 2-bóligi, 1-tarmaǵy boiynsha kináli dep tabyldy.
Sot úkimine qarsy apelliatsiialyq shaǵym túsirý múmkindigi bar, 15 kún ishinde ótinish berilýi tiis.
