Májilistiń burynǵy depýtaty Baqytjan Bazarbek basqarǵan kólik qaǵyp ketken 37 jastaǵy er adamnyń qazirgi jaǵdaiy týraly jańa málimet jariialandy. Bul týraly Jambyl oblystyq densaýlyq saqtaý basqarmasy málimdedi, dep habarlaidy ult.kz.
Resmi málimetke sáikes, jol-kólik oqiǵasynan zardap shekken azamat 15 tamyzda aýrýhanaǵa jetkizilip, anesteziologiia, reanimatsiia jáne qarqyndy terapiia bólimshesine jatqyzylǵan.
Oqiǵadan beri 23 táýlik ótse de, naýqas áli atalǵan bólimshede em qabyldap jatyr. Onyń jalpy jaǵdaiy aýyr dep baǵalanǵan.
"Patsienttiń jalpy jaǵdaiy politravma saldarynan aýyr kúide qalyp otyr. Sonymen qatar júrgizilip jatqan qarqyndy terapiia aiasynda oń dinamika baiqalady. Dárigerler emdeýdi tolyq kólemde jalǵastyryp, patsienttiń jaǵdaiyn baqylaýda ustap otyr", – dep habarlady oblystyq densaýlyq saqtaý basqarmasy.
