Almatylyq infektsionist dáriger ekpe alǵandar men almaǵandardyń boiynda koronavirýs indeti qalai ótetini jaily aityp berdi, dep habarlaidy QazAqparat.
Ekpe alǵandar men almaǵandardyń boiynda koronavirýs aýrýy eki túrli órbidi.
Bul týraly I.S.Jekenova atyndaǵy qalalyq klinikalyq juqpaly aýrýlar aýrýhanasynyń bas dárigeriniń emdeý jumysy jónindegi orynbasary, infektsionist dáriger Tamara Utaǵanova aitty.
«Ekpe degenimiz - aǵzamyzdyń durys jumys isteýine arnalǵan virýstyq aqparat. Ekpe almaǵandarda ol aqparattyń sany az bolady. Sol úshin ekpe almaǵandar óte jii aýyrady jáne olarda indettiń aǵymy aýyr ótip, asqyný yqtimaldyǵy joǵary. Ekpe alǵandar bolsa, olar zalaldanady. Aýyrǵan jaǵdaida olarda syrqat jeńil ótedi. Biz bul jaǵdaidy óz naýqastarymyzdan baiqap otyrmyz», - dedi dáriger.
Sondai-aq, ol ekspress test týraly óz oiyn aitty.
«Ekspress-test aǵzada koronavirýs infektsiiasynyń antigenin anyqtap beredi. Ol adamnyń jeke paidalanýyna arnalǵan. Qazir qala dárihanalarynda satylyp jatyr. Eger ekspress test nátijesi «oń» dep kórsetse, ony emhanaǵa habarlaýǵa mindettisiz», - dedi Tamara Utaǵanova.
