Erekshe qorǵalatyn tabiǵi aýmaqtardy damytý máselelerine bólek kóńil bólinedi. Bul týraly Májilistegi Úkimet saǵatynda QR Mádeniet jáne sport ministri Dáýren Abaev málim etti, dep habarlaidy QazAqparat.
«Ekotýrizmdi, atap aitqanda, erekshe qorǵalatyn tabiǵi aýmaqtardy damytý máselelerine erekshe kóńil bólinedi. Ulttyq parkterdi damytý tujyrymdamasy ázirlenip, naqtylandy. Bul bas josparlardy túzetý kezinde negizge alyndy. Mádeniet jáne sport ministrligi men Ekologiia ministrliginiń birlesken jumysy nátijesinde Ekologiia ministrligi Almaty oblysynyń ulttyq parkterine 4 strategiialyq investor tartty», - dedi Abaev.
Osy oraida olar jalpy somasy 24 mlrd teńgeni quraityn jobalardy júzege asyryp keledi.
«Bul rette biologiialyq alýantúrlilikti saqtaý jáne tabiǵat obektilerine ekologiialyq ziian keltirýge jol bermeý mindetti shart bolyp sanalady», - dedi ministr.
«Memleket basshysy týrizmniń áleýmettik, tipti ideologiialyq sipattaǵy máselelerdi sheshýge múmkindik beretin biznes ekenin únemi aityp keledi. Týrizm salasyna salynǵan investitsiia jańa jumys oryndarynyń ashylýyna, shaǵyn biznestiń nyǵaiýyna, jergilikti jerde infraqurylymnyń damýyna, azamattardyń demalysynyń sapaly uiymdastyrylýyna múmkindik beredi. Sonymen birge, týrizm óskeleń urpaqtyń óz tarihyn qurmetteýine jol ashyp, elimizdiń oń imidjin qalyptastyrýǵa yqpal etedi», - dedi vedomstvo basshysy.
