ەرەكشە قورعالاتىن تابيعي اۋماقتاردى دامىتۋ مەسەلەلەرٸنە بٶلەك كٶڭٸل بٶلٸنەدٸ. بۇل تۋرالى مەجٸلٸستەگٸ ٷكٸمەت ساعاتىندا قر مەدەنيەت جەنە سپورت مينيسترٸ دەۋرەن اباەۆ مەلٸم ەتتٸ, دەپ حابارلايدى قازاقپارات.
«ەكوتۋريزمدٸ, اتاپ ايتقاندا, ەرەكشە قورعالاتىن تابيعي اۋماقتاردى دامىتۋ مەسەلەلەرٸنە ەرەكشە كٶڭٸل بٶلٸنەدٸ. ۇلتتىق پاركتەردٸ دامىتۋ تۇجىرىمداماسى ەزٸرلەنٸپ, ناقتىلاندى. بۇل باس جوسپارلاردى تٷزەتۋ كەزٸندە نەگٸزگە الىندى. مەدەنيەت جەنە سپورت مينيسترلٸگٸ مەن ەكولوگييا مينيسترلٸگٸنٸڭ بٸرلەسكەن جۇمىسى نەتيجەسٸندە ەكولوگييا مينيسترلٸگٸ الماتى وبلىسىنىڭ ۇلتتىق پاركتەرٸنە 4 ستراتەگييالىق ينۆەستور تارتتى», - دەدٸ اباەۆ.
وسى ورايدا ولار جالپى سوماسى 24 ملرد تەڭگەنٸ قۇرايتىن جوبالاردى جٷزەگە اسىرىپ كەلەدٸ.
«بۇل رەتتە بيولوگييالىق الۋانتٷرلٸلٸكتٸ ساقتاۋ جەنە تابيعات وبەكتٸلەرٸنە ەكولوگييالىق زييان كەلتٸرۋگە جول بەرمەۋ مٸندەتتٸ شارت بولىپ سانالادى», - دەدٸ مينيستر.
«مەملەكەت باسشىسى تۋريزمنٸڭ ەلەۋمەتتٸك, تٸپتٸ يدەولوگييالىق سيپاتتاعى مەسەلەلەردٸ شەشۋگە مٷمكٸندٸك بەرەتٸن بيزنەس ەكەنٸن ٷنەمٸ ايتىپ كەلەدٸ. تۋريزم سالاسىنا سالىنعان ينۆەستيتسييا جاڭا جۇمىس ورىندارىنىڭ اشىلۋىنا, شاعىن بيزنەستٸڭ نىعايۋىنا, جەرگٸلٸكتٸ جەردە ينفراقۇرىلىمنىڭ دامۋىنا, ازاماتتاردىڭ دەمالىسىنىڭ ساپالى ۇيىمداستىرىلۋىنا مٷمكٸندٸك بەرەدٸ. سونىمەن بٸرگە, تۋريزم ٶسكەلەڭ ۇرپاقتىڭ ٶز تاريحىن قۇرمەتتەۋٸنە جول اشىپ, ەلٸمٸزدٸڭ وڭ يميدجٸن قالىپتاستىرۋعا ىقپال ەتەدٸ», - دەدٸ ۆەدومستۆو باسشىسى.
