Foto: Parlamentten
Májilis spikeri Erlan Qoshanov depýtattardyń Parlament qabyrǵasynda ózderin qalai ustaitynyna pikir bildirdi dep habarlaidy "Ult Aqparat".
Erlan Qoshanov depýtattar shekten shyǵatyndai qylyq kórsetip júrmegenin aitady.
"Májilis kelgen ministrlerdiń nemese basqa da laýazymdy tulǵalardyń mańdaiynan sipap jiberetin jer emes. Bul jerge kelgende depýtattar talap qoiady. Suraqtaryna naqty jaýap ala almasa, keide emotsiiaǵa berilip jatady. Bul barlyq álemdegi parlamentterge tán oqiǵalar. Muny parlamentarizmniń zańdylyǵy dep aitýǵa bolady. Biraq ol dórekilikke nemese jeke basqa ótý, ne bolmasa agressiiaǵa jatpaidy. Árine tili men dini, ulty boiynsha kemsitýge jol berilmeidi. Reglament boiynsha ony qadaǵalaityn men. Sonymen qatar etika jóninde komissiiamyz bar. Ondai jaǵdai bola qalsa komissiiada qaralyp otyrady. Árine ár túrli jaǵdai bolady. Keibir kelgen ministrler nemese olardyń orynbasarlary bizge tolyq jaýap bere almai, syrǵytpa jaýap berip jatady, keide jazbasha jaýap beremiz dep aitady. Eger ol qandai da bir zań jobasymen keletin bolsa, sol zań jobasyn tolyq bilýi kerek. Qoiylatyn suraqtarǵa da jaýap berýi tiis. Sol kezde árine konstrýktivti áńgime bolady dep oilaimyn. Búgingi kúni jaǵa jyrtysqan, shekten shyqqan oqiǵalar boldy dep oilamaimyn", - dedi Erlen Qoshanov jýrnalisterge bergen suhbatynda.
Aita keteiik buǵan deiin depýtattar ózderin dóreki ustaidy, etika saqtamaidy degen pikirler bolǵan.
