QR Ulttyq ekonomika ministri Timýr Súleimenov búgin Úkimet otyrysynda 2017 jyldyń 4 aiynda Qazaqstannyń JIÓ-i 3,7 paiyzǵa óskenin málim etti, dep habarlaidy Ult.kz tilshisi QazAqparat agenttigine silteme jasap. Óz kezeginde QR Premer-Ministri Baqytjan Saǵyntaev bosańsymai, qol jetkizilgen jetistikti ary qarai óristetýdi tapsyrdy.
«Qorytyndydaǵy málimetter jalpy jaman emes, biraq tórt aida bolǵan jetistikter bizdi bosańsytpaýy kerek. Qazir ministr (QR Ulttyq ekonomika ministri Timýr Súleimenov - avt.) baza sonshalyqty kóp bolmaǵanyn da aitty, biraq negizgi jumys ekinshi jartyjyldyqta oryn alady. Sondyqtan barlyǵymyzǵa - ortalyq jáne jergilikti atqarýshy organdarǵa Memleket basshysy qoiǵan mindetterdi júzege asyrýdy jalǵastyrý qajet. Osy oraida, QR Investitsiialar jáne damý ministrligine óńdeýshi ónerkásiptegi qalys qalyp kele jatqan salalardaǵy jaǵdaidy túzetýge kóńil aýdarýy tiis», - dedi Úkimet basshysy.
Timýr Súleimenovtiń oiynsha, atalmysh kórsetkishter jyl boiyna saqtalmaidy. Sebebi 2016 jyldyń alǵashqy 5 aiynda JIÓ árdaiym quldyrap keldi jáne 0,2%-ke deiin jetken bolatyn. Sondyqtan tómengi baza effektisi saqtalady.
«Sondyqtan alǵashqy jartyjyldyqta bul effekt tolyqtai sarqylady jáne jyldyń 2,5 protsenttik ósimge qol jetkizý úshin ósimniń jańa qorlaryn izdestirýimiz kerek bolady», - dep túidi T. Súleimenov.
