Pandemiia halyqtyń densaýlyǵyna áli de qaýipti. Bul týraly Memleket basshysy Qasym-Jomart Toqaev Tótenshe jaǵdai rejimin qamtamasyz etý jónindegi memlekettik komissiianyń otyrysynda málim etti, dep habarlaidy "Ult aqparat".
«Sońǵy eki ai elimiz úshin ońai bolǵan joq. Daǵdarys áli tolyq eńserilmei tur. Degenmen, indettiń sharyqtaý sheginen óttik. Tótenshe jaǵdai rejimin qamtamasyz etý jónindegi memlekettik komissiia aýqymdy jumys atqardy. Halyqtyń densaýlyǵyn qorǵaý, olardyń tabysyn arttyrý jáne biznesin qoldaý úshin 500-ge jýyq sheshim qabyldanyp, júzege asyryldy. Endi Tótenshe jaǵdai rejimin qamtamasyz etý jónindegi komissiia Ekonomikalyq ósimdi qalpyna keltirý jónindegi memlekettik komissiia bolyp qaita qurylady. Búgin búkil elimizdegi tótenshe jaǵdai rejimi aiaqtaldy. Alaida, keibir aimaqtarda derttiń taralýy báseńdemei otyr. Indet tolyǵymen joiylyp ketken joq. Pandemiia halyqtyń densaýlyǵyna áli de qaýipti. Sondyqtan karantindik shekteýler ár óńirdegi jaǵdaidyń jaqsarýyna qarai birtindep alynady», - dedi Prezident.
