Ulttyq ekonomika ministri Rýslan Dálenov Qazaqstanda ekonomikalyq ósimdi qalpyna keltirý boiynsha 2020 jyldyń sońyna deiingi keshendi jospar jáne biznesti qoldaý boiynsha qosymsha sharalar qabyldanǵanyn málim etti, dep habarlaidy QazAqparat.
«Kásipkerlikti damytý máselesi negizgi basymdyqtardyń biri. Shaǵyn jáne orta biznesti damytý – ekonomikany ártaraptandyrý, jumyspen qamtý, makroekonomikalyq turaqtylyqty qamtamasyz etýdiń, sondai-aq halyq úshin taýarlar men qyzmetter óndirisiniń basty faktory. Qazirgi jaǵdaida shaǵyn jáne orta biznesti qoldaý máselesi ózekti bolyp otyr. Ol úshin salyqtyq yntalandyrýlar berildi. Nesielendirý keńeiip, biznesti júrgizý sharttaryn odan ári jeńildetý boiynsha sharalar qabyldanýda», - dedi Rýslan Dálenov Úkimet otyrysynda.
Onyń aitýynsha 2019 jyly ekonomikadaǵy shaǵyn jáne orta biznestiń úlesi 30,8%-dy quraǵan. Ótken jyly ShOB 31,2 trln teńgenń ónimin óndirgen.
«Respýblika boiynsha 3,4 mln adam shaǵyn jáne orta biznes salasynda jumys isteidi. Biznes klimatty jaqsartý boiynsha qabyldanyp jatqan reformalar Qazaqstannyń Doing Business reitinginde 25-shi orynǵa kóterilýine múmkindik berdi», - dedi ol.
Rýslan Dálenov kásipkerlikti qoldaý jáne damytý úshin biznes-klimatty jaqsartý boiynsha birqatar shara qabyldanǵanyn atyp ótti.
«Bul - salyqtyq yntalandyrý, tekserýlerdi qysqartý jáne nesieleýdi keńeitý. Sonymen qatar ekonomikalyq ósimdi qalpyna keltirý boiynsha 2020 jyldyń sońyna deiingi keshendi jospar jáne biznesti qoldaý boiynsha Qosymsha sharalar qabyldandy. Arnaiy Memlekettik komissiia jumys isteýde», - dedi ol.
