QR Ulttyq bankiniń tóraǵasy Ǵalymjan Pirmatov dezinfliatsiialyq aqsha-kredit saiasatynyń qalai júrip jatqanyn aitty, dep habarlaidy QazAqparat.
«Ishki ekonomikadaǵy jaǵdai oń bolyp otyr. Biyl birinshi toqsanda jalpy ishki ónim 4,4%-ǵa ósti. Ekonomikanyń 2021 jyly 4%-ǵa artyp, pandemiiaǵa deiingi deńgeige oralǵanyn atap ótken jón. 2022 jylǵy naýryzda taýar ainalymynyń ósýi jyldyq mánde 3,7%-ǵa deiin jedeldedi», - dedi Pirmatov Senat otyrysynda.
Onyń aitýynsha, Qazaqstanda tutyný kóleminiń ósýi infliatsiiaǵa qysym kórsetip otyr.
Infliatsiia osy jylǵy sáýirde 13,2%-ǵa deiin jedeldedi. Ásirese azyq-túlik taýarlarynyń baǵasy qatty ósip, 17,9%-ǵa artty.
Azyq-túlikke jatpaityn taýarlar baǵasynyń ósimi 11,1%-ǵa, aqyly qyzmetter baǵasynyń ósimi 8,9%-ǵa deiin jedeldedi.
«Proinfliatsiialyq qysymnyń ósýinen Ulttyq bank dezinfliatsiialyq aqsha-kredit saiasatyn júrgizip keledi. 2022 jylǵy 24 aqpanda Ulttyq bank geosaiasi jaǵdaidyń nasharlaýyna bailanysty qarjylyq jáne makroekonomikalyq turaqtylyqty qamtamasyz etý úshin bazalyq stavkany 13,5%-ǵa deiin kóterdi. Bazalyq mólsherleme kóterilgen soń, aqpanda halyqtyń teńgedegi salymdary boiynsha Qazaqstannyń depozitterge kepildik berý qory usynatyn shekti stavkalar da kóterildi», - dedi Pirmatov.
Sonymen qosa, Úkimetpen birlesip jeke tulǵalardyń teńgedegi depozitteri boiynsha respýblikalyq biýdjet esebinen ótemaqy tóleýdi kózdeitin Teńgedegi salymdardy qorǵaý baǵdarlamasy jariialandy.
«Ulttyq Bank 25 sáýirde ekonomikanyń, ishki jáne syrtqy suranystyń oń serpini kezinde jalǵasyp otyrǵan fiskaldyq yntalandyrý aiasynda bazalyq stavkany 14%-ǵa deiin kóterdi. Infliatsiiaǵa qarsy saiasatty kúsheitý úshin Úkimet Ulttyq bankpen birlesip, biylǵy aqpannan bastap 2022-2024 jyldarǵa arnalǵan Infliatsiiany baqylaý jáne tómendetý jónindegi jańartylǵan sharalar keshenin iske asyrýda», - dedi Pirmatov.
