Ulttyq ekonomika ministri Álibek Qýantyrov valiýta naryǵyndaǵy jaǵdaiǵa túsinikteme berdi, dep habarlaidy Sputnik Qazaqstan.
Onyń pikirinshe, dollar ári qarai arzandaidy. Qazir teńgeniń nyǵaiý úrdisi baiqalyp jatyr.
"Dollar baǵamyn qaita qarastyramyz. Qazir baǵam bir dollarǵa 500 teńgeden tómen ekenin kórip otyrmyz. Tiisinshe, jyl boiynsha tómen bolady. Qazir baǵam turaqtalyp keledi, revalvatsiia bastaldy. Meniń oiymsha, oń ózgerister bolady", - dedi Qýantyrov úkimet kýlýarynda.
Úkimet, sonymen qatar, munai naryǵyndaǵy jaǵdai men Kaspii qubyr jelisi konsortsiýmyndaǵy problemany da eskeredi.
"Bul tehnikalyq problema, jóndeý júrip jatyr, aldaǵy eki-úsh aptada jumys tolyǵymen qalpyna kelýge tiis. Onyń ústine, ýaqytsha shekteýler, KTK-nyń jekelegen tehnikalyq qýattarynyń toqtaýy óteledi. Sonda biz munai baǵasynyń joǵary bolýy esebinen qosymsha paida tabamyz", - dedi ol.
Ministr munai baǵasyna da boljam jasady.
"Barreline 60 dollardan joǵary, biraq 120 dollardan tómen bolatyny anyq. Bolashaqqa qorymyz bolýy úshin, biz únemi konservativti kózqaraspen qaraimyz. Eger baǵa biýdjette josparlaǵannan joǵary bolsa, tiisinshe bizge qosymsha túsim túsedi. Bul boljamdy asyra siltep, keiin az túsim alǵannan áldeqaida jaqsy", - deidi Qýantyrov.
