ۇلتتىق ەكونوميكا مينيسترٸ ەلٸبەك قۋانتىروۆ ۆاليۋتا نارىعىنداعى جاعدايعا تٷسٸنٸكتەمە بەردٸ, دەپ حابارلايدى Sputnik قازاقستان.
ونىڭ پٸكٸرٸنشە, دوللار ەرٸ قاراي ارزاندايدى. قازٸر تەڭگەنٸڭ نىعايۋ ٷردٸسٸ بايقالىپ جاتىر.
"دوللار باعامىن قايتا قاراستىرامىز. قازٸر باعام بٸر دوللارعا 500 تەڭگەدەن تٶمەن ەكەنٸن كٶرٸپ وتىرمىز. تيٸسٸنشە, جىل بويىنشا تٶمەن بولادى. قازٸر باعام تۇراقتالىپ كەلەدٸ, رەۆالۆاتسييا باستالدى. مەنٸڭ ويىمشا, وڭ ٶزگەرٸستەر بولادى", - دەدٸ قۋانتىروۆ ٷكٸمەت كۋلۋارىندا.
ٷكٸمەت, سونىمەن قاتار, مۇناي نارىعىنداعى جاعداي مەن كاسپيي قۇبىر جەلٸسٸ كونسورتسيۋمىنداعى پروبلەمانى دا ەسكەرەدٸ.
"بۇل تەحنيكالىق پروبلەما, جٶندەۋ جٷرٸپ جاتىر, الداعى ەكٸ-ٷش اپتادا جۇمىس تولىعىمەن قالپىنا كەلۋگە تيٸس. ونىڭ ٷستٸنە, ۋاقىتشا شەكتەۋلەر, كتك-نىڭ جەكەلەگەن تەحنيكالىق قۋاتتارىنىڭ توقتاۋى ٶتەلەدٸ. سوندا بٸز مۇناي باعاسىنىڭ جوعارى بولۋى ەسەبٸنەن قوسىمشا پايدا تابامىز", - دەدٸ ول.
مينيستر مۇناي باعاسىنا دا بولجام جاسادى.
"باررەلٸنە 60 دوللاردان جوعارى, بٸراق 120 دوللاردان تٶمەن بولاتىنى انىق. بولاشاققا قورىمىز بولۋى ٷشٸن, بٸز ٷنەمٸ كونسەرۆاتيۆتٸ كٶزقاراسپەن قارايمىز. ەگەر باعا بيۋدجەتتە جوسپارلاعاننان جوعارى بولسا, تيٸسٸنشە بٸزگە قوسىمشا تٷسٸم تٷسەدٸ. بۇل بولجامدى اسىرا سٸلتەپ, كەيٸن از تٷسٸم العاننان ەلدەقايدا جاقسى", - دەيدٸ قۋانتىروۆ.
