Ekonomika salasy boiynsha 2020 jyldyń Nobel syilyǵy aýktsiondar teoriiasyn damytqany jáne aýktsiondardyń jańa formatyn jetildirgeni úshin berildi.
Bul sala boiynsha Pol Milgrom men Robert Ýilson laýreat atandy, dep habarlady Nobel komiteti.
Shvetsiia banki taǵaiyndaǵan ekonomika salasyndaǵy bul syilyq 1969 jyldan bastap beriledi. Ol resmi túrde "Nobel syilyǵy" dep atalmaidy, "ekonomika salasy boiynsha Alfred Nobel atyndaǵy syilyq" dep atalady. Osy syilyqtyń laýreattary jariialanǵannan keiin Nobel aptasy resmi túrde aiaqtalady.
Byltyr bul syilyq Úndistan, AQSh, Frantsiia ǵalymdaryna jahandyq kedeishilikpen kúreske jańa ádis tájiribe engizgeni úshin berilgen.
Stokgolmde 5 qazanda jyl saiyn ótetin Nobel aptalyǵy ashyldy. Sol kúni fiziologiia jáne meditsina salasyndaǵy Nobel syilyǵynyń iegerleri jariialandy. Ony ǵalym Harvi Aler, Maikl Hoýton jáne Charlz Rais S gepatitin zerttegeni úshin aldy.
Fizika salasyndaǵy syilyq qara oiyqty zerttegeni úshin berildi. Rodjer Penroýz, Rainhard Gentsel jáne Andrea Gez laýreat atandy.
Himiia salasy boiynsha Nobel syilyǵy genomdy óńdeý ádisterin damytqany úshin Emmanýel Sharpante men Djennifer Dýdnaǵa berildi.
2020 jyly ádebiet salasy boiynsha Nobel syilyǵyn amerikalyq aqyn Lýiza Gliýk aldy.
