«ArselorMittal Temirtaý» kompaniiasynyń metallýrgiialyq kombinatyna ekologiiaǵa ziian keltirgeni úshin 600 mln teńge aiyppul salyndy, dep habarlaidy Ult.kz tilshisi QazAqparat agenttigine silteme jasap
Oblystyq ekologiia departamentiniń habarlaýynsha, qara tústi qardyń jaýýyna bul aiyppuldyń eshqandai qatysy joq. Ekologtardan, meteorolgtar men prokýrorlardan quralǵan jumys toby qara tústi qardyń jaýý sebebin qazirgi ýaqytta anyqtap jatyr. Jumys toby Qaraǵandy oblysynyń ákimi Erlan Qoshanovtyń tapsyrmasy boiynsha qurylyp, kún saiyn jumys júrgizýge mindettelgen bolatyn.
Oblystyq ekologiia departamenti basshysynyń orynbasary Álibek Bekmuhambetovtyń aitýyna qaraǵanda, aiyppul qorshaǵan ortany lastaǵany úshin salynǵan.
«Atmosferaǵa bólingen ziiandy shyǵarylymdardyń artqany belgili bolyp otyr. Ruqsat etilgen shyǵarylymdardyń normativten artqany jáne tabiǵat qorǵaý sharalarynyń jospary oryndalmaǵany anyqtaldy. Buzýshylyqtardy retke keltirý boiynsha tapsyrma (predpisanie) berildi», - deidi Álibek Bekmauhambetov.
Aiyppuldyń mólsheri 105 million teńgeni quraidy. Al qalǵan soma - ekologiiaǵa keltirilgen ziian úshin tólenetin ótemaqy.
Eske sala ketsek, buǵan deiin Temirtaýda qara tústi qardyń jaýýyna jeltoqsan aiy boiy jel jyldamdyǵynyń baiaý bolýy sebep bolýy múmkin degen pikir aitylǵan bolatyn. Jel týraly nusqany 9 qańtar kúni óńir ákimdiginde Qaraǵandy meteorologiia ortalyǵy direktorynyń orynbasary Valerii Stratienko aitqan edi.
