«ارسەلورميتتال تەمٸرتاۋ» كومپانيياسىنىڭ مەتاللۋرگييالىق كومبيناتىنا ەكولوگيياعا زييان كەلتٸرگەنٸ ٷشٸن 600 ملن تەڭگە ايىپپۇل سالىندى, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ
وبلىستىق ەكولوگييا دەپارتامەنتٸنٸڭ حابارلاۋىنشا, قارا تٷستٸ قاردىڭ جاۋۋىنا بۇل ايىپپۇلدىڭ ەشقانداي قاتىسى جوق. ەكولوگتاردان, مەتەورولگتار مەن پروكۋرورلاردان قۇرالعان جۇمىس توبى قارا تٷستٸ قاردىڭ جاۋۋ سەبەبٸن قازٸرگٸ ۋاقىتتا انىقتاپ جاتىر. جۇمىس توبى قاراعاندى وبلىسىنىڭ ەكٸمٸ ەرلان قوشانوۆتىڭ تاپسىرماسى بويىنشا قۇرىلىپ, كٷن سايىن جۇمىس جٷرگٸزۋگە مٸندەتتەلگەن بولاتىن.
وبلىستىق ەكولوگييا دەپارتامەنتٸ باسشىسىنىڭ ورىنباسارى ەلٸبەك بەكمۇحامبەتوۆتىڭ ايتۋىنا قاراعاندا, ايىپپۇل قورشاعان ورتانى لاستاعانى ٷشٸن سالىنعان.
«اتموسفەراعا بٶلٸنگەن زيياندى شىعارىلىمداردىڭ ارتقانى بەلگٸلٸ بولىپ وتىر. رۇقسات ەتٸلگەن شىعارىلىمداردىڭ نورماتيۆتەن ارتقانى جەنە تابيعات قورعاۋ شارالارىنىڭ جوسپارى ورىندالماعانى انىقتالدى. بۇزۋشىلىقتاردى رەتكە كەلتٸرۋ بويىنشا تاپسىرما (پرەدپيسانيە) بەرٸلدٸ», - دەيدٸ ەلٸبەك بەكماۇحامبەتوۆ.
ايىپپۇلدىڭ مٶلشەرٸ 105 ميلليون تەڭگەنٸ قۇرايدى. ال قالعان سوما - ەكولوگيياعا كەلتٸرٸلگەن زييان ٷشٸن تٶلەنەتٸن ٶتەماقى.
ەسكە سالا كەتسەك, بۇعان دەيٸن تەمٸرتاۋدا قارا تٷستٸ قاردىڭ جاۋۋىنا جەلتوقسان ايى بويى جەل جىلدامدىعىنىڭ باياۋ بولۋى سەبەپ بولۋى مٷمكٸن دەگەن پٸكٸر ايتىلعان بولاتىن. جەل تۋرالى نۇسقانى 9 قاڭتار كٷنٸ ٶڭٸر ەكٸمدٸگٸندە قاراعاندى مەتەورولوگييا ورتالىعى ديرەكتورىنىڭ ورىنباسارى ۆالەريي ستراتيەنكو ايتقان ەدٸ.
