Ekologiialyq bilim mektepte ótetin pánmen shektelip qalmai, qoǵam ókilderi, memlekettik organdar, sarapshylar, muǵalimder jáne ata-analar tarapynan keshendi jumys bolýy kerek.
Bul týraly ekologiialyq bilimge qatysty Facebook-tegi KUN.KZ ashyq media platformasynda ótken onlain konferentsiiada aityldy, dep habarlaidy QazAqparat.
«Prezident Qasym-Jomart Toqaev 10 shilde kúni Úkimettiń keńeitilgen otyrysynda mektep baǵdarlamasyna «Balalardyń ekologiialyq bilimi» atty jańa pán engizý týraly tapsyrmasy halyq tarapynan, saiasatker, sarapshylar tarapynan qoldaý tapty. Bul konferentsiia jaqsy bastamany jalǵastyrýǵa sebep bolady dep oilaimyn. Ekologiialyq bilim mektepte ótetin pánmen shektelip qalmai, qoǵam ókilderi, memlekettik organdar, sarapshylar, muǵalimder jáne ata-analar tarapynan keshendi jumys bolýy kerek. Óitkeni ult tárbiesi, ekologiialyq turǵyda durys tárbie otbasynan bastalady», - deidi QR Ekologiia, geologiia jáne tabiǵi resýrstar ministri Maǵzum Myzaǵaliev.
Onyń aitýynsha, bul bastamany azamattyq qoǵamnyń qoldaǵany qýantady, sebebi bul konferentsiiaǵa halyqaralyq uiymdar da, ǵalymdar da, ekologtar da qatysyp otyr.
«Qazaqstannyń ekologiialyq máseleleri bárine belgili. Óndiristik lastaný, iaǵni atmosfera men sýdyń lastanýy jáne ekologiianyń turmystyq máseleleri de bar. Ekologiialyq tárbieni qolǵa alýymyz kerek. Bir ai buryn stihiialyq qoqys boiynsha bailanys jelisin iske qostyq. Bizge bul másele boiynsha apta saiyn júzden astam suraq keledi. Qazirgi kezde adamdar tabiǵat aiasyna shyqqan kezde óz qoqystaryn ǵana emes, ainalasyndaǵy qoqysty da tazalap ketedi. Bul sánge ainalyp keledi. Degenmen, Aqmola oblysyndaǵy Kóbeituzdaǵy jaǵdai, Aqtaýda itbalyqtardy urý - ekologiialyq mádenietimizdiń áli de bolsa, tómen ekendigin kórsetedi. Balalarymyzdy qorshaǵan ortany aialaýǵa úiretýimiz kerek», - deidi ol.
