Ekologiia, geologiia jáne tabiǵi resýrstar vitse-ministri Ahmetjan Pirimqulov pen "ÓKM Operatory" JShS basqarma tóraǵasy Medet Qumarǵaliev ustaldy. Aqparatty Sybailas jemqorlyqqa qarsy is-qimyl agenttigi rastady, - dep habarlaidy "Ult aqparat".

"QR Sybailas jemqorlyqqa qarsy is-qimyl agenttigi ekologiia, geologiia jáne tabiǵi resýrstar vitse-ministri Ahmetjan Pirimqulov pen "ÓKM Operatory" JShS basqarma tóraǵasy Medet Qumarǵaliev ustalǵanyn rastaidy", - delingen habarlamada.

Antikor málimetinshe, olar sybailas jemqorlyq qylmystaryn jasady degen kúdikke ilingen. Ekeýi de Nur-Sultan qalasynyń ýaqytsha ustaý izoliatoryna qamalǵan.

Eske sala keteiik, 2022 jylǵy 11 qańtarda Qazaqstan Respýblikasy Parlamenti Májilisiniń otyrysynda sóilegen sózinde Memleket basshysy Qasym-Jomart Toqaev «ÓKM Operatory» JShS-niń kádege jaratý alymyn júrgizý jáne kádege jaratý alymyna ielik etýin toqtatý týraly tapsyrma berdi.

Sonyń aiasynda 2022 jylǵy 18 qańtarda QR Úkimeti «QR Ekologiia, geologiia jáne tabiǵi resýrstar ministrligine vedomstvolyq baǵynysty uiymdardyń keibir máseleleri týraly» qaýly qabyldady. Osyǵan bailanysty óndirýshilerdiń (importtaýshylardyń) keńeitilgen mindettemeleriniń operatory bolyp memlekettik uiym retinde «Jasyl damý» aktsionerlik qoǵamy aiqyndalady.